Кобл Якъубэ ишIэжь фэгъэхьыгъ
ДзюдомкIэ я XII-рэ Урысые зэнэкъокъухэр Мыекъуапэ къыщызэIуахыгъэх.
СССР-м изаслуженнэ тренерэу Кобл Якъубэ ишIэжь фэгъэхьыгъэ турнирым хъулъфыгъэхэр ыкIи бзылъфыгъэхэр хэлажьэх. ЗэрагъэнэфагъэмкIэ, спортсмен 200 фэдизмэ заушэтыщт.
Купэу зыхэтхэм ялъытыгъэу хъулъфыгъэхэр (килограмм 60, 66-рэ ыкIи 71-рэ къэзыщэчыхэ-рэр) хагъэунэфыкIырэ чIыпIэхэм афэбэнагъэх. Ахэр Урысыем и Къыблэ ыкIи Московскэ хэкум ялIыкIох. Бзылъфыгъэхэр нэбгырэ 18 зэрэхъущтыгъэхэр. Краснодар краир къэзыгъэлъэгъуагъэхэр анахь лъэшыгъэх — Анастасия Гончаровар, Александра Акулинар, Алиса Исаковар, Полина Генераловар.
Я 20-рэ лIэшIэгъум итренер анахь дэгъоу Кобл Якъубэ ишIэжь фэгъэхьыгъэ зэнэкъокъухэр непэ аухыщтых. Турнирым ишIухьафтын фонд сомэ миллион 1,5-м ехъу.
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram