Лъытэныгъэ зыфэсшIырэ Исхьакъ Шумафэ ыкъор!

Илъэс 95-рэ узэрэхъугъэм фэшI сыпфэгушIо!
ЩыIэныгъэ гъогоу къэпкIугъэр уи Хэгъэгу уфэшъыпкъэн, цIыфыгъэ шэпхъэ дахэхэм уакъыпкъырыкIын зэрэфаемкIэ щысэ шIагъоу плъытэн плъэкIыщт. О романыбэ ыкIи усабэ птхыгъэ, хэгъэгум илитературэ хэхъоныгъэ ышIыным, адыгэ лъэпъкъым икультурнэ кIэн нахь зиушъомбгъуным уиIахьышхо ахэпшIыхьагъ. УичIыгу гупсэ шIулъэгъоу фыуиIэр, цIыфхэм угу афихыгъэу узэрафыщытыр ары уитворчестви лъапсэу иIэр. ТхэкIо, шIэныгъэлэжь, тарихълэжь IэпэIасэу узэрэщытым, уиIушыгъэ-губзыгъагъэ, Iофэу узфэгъэзагъэм гуетыныгъэ ин зэрэфыуиIэм къакIэкIуагъ уиIофшIэгъухэм, тхылъеджэхэм лъытэныгъэ инэу къыпфашIырэр.
О тилъэхъан урилIыхъужъ шъыпкъ, къыткIэхъухьэхэрэр неущрэ мафэм яцыхьэ телъэу къэтэджынхэмкIэ уиIофшIагъэхэм мэхьанэшхо яI: уи Хэгъэгу шIу плъэгъун, хэбзэ шIагъохэм уафэшъыпкъэн, гъэпсын Iофым цIыфхэр къы­фэпIэтынхэ зэрэфаемкIэ щысэтехыпIэу ущыт. Сыд фэдэрэ уахъти мы гупшысэм мэхьанэшхо иI: «ГущыIэу къапIорэр арэп, Iофэу зэшIопхырэр ары къэнэжьырэр».
Сыгу къыздеIэу сыпфэлъаIо псауныгъэ пытэ уиIэнэу, творческэ гъэхъэгъакIэхэм гуетыныгъэ ин пхэлъэу уакъыфэкIонэу!
Урысые Федерацием и Федеральнэ ЗэIукIэ ФедерациемкIэ и Совет и Тхьаматэу В. И. Матвиенко

Лъытэныгъэ зыфэсшIэу Исхьакъ Шумафэ ыкъор!

Укъызыхъугъэ мафэм фэшI сыпфэгушIо!
Сэнаущыгъэ ин зыхэлъ тхакIоу, усакIоу, зэдзэкIакIоу ущыт, лъэпкъыбэмэ зэдыряе культурэм ихэбзэ анахь дэгъухэр къэухъумэгъэнхэм ыкIи хэхъоныгъэ ягъэшIыгъэным апае бэ о зэшIопхырэр. Урысыемрэ уигупсэ Адыгеимрэ афыуиIэ шIулъэгъур зыпхырыщыгъэ произведениехэу уикъэлэмыпэ къычIэкIыгъэхэм тхылъеджэхэм осэшхо къафашIы. Тхэныр езгъэжьэгъакIэхэм уиIэпэIэсэныгъэрэ уизэхэшIэ инрэ ящысэтехыпIэх ыкIи кIуачIэ къахелъхьэ. Общественнэ Iофышхоу бгъэцакIэрэми осэшхо къыфашIы.
Псауныгъэ пытэ уиIэнэу, гъэхъэгъакIэхэр пшIынхэу, шIоу щыIэр зэкIэ къыбдэхъунэу пфэсэIо! Урысые Федерацием и Федеральнэ ЗэIукIэ и Къэралыгъо Думэ и Тхьаматэу В. В. Володин

Лъытэныгъэ зыфэсшIырэ Исхьакъ Шумафэ ыкъор!

Илъэс 95-рэ узэрэхъугъэм пае гуфэбэныгъэ хэлъэу сыпфэгушIо!
Псауныгъэ пытэ, насып, щыIэкIэшIу уиIэнэу сыпфэлъаIо. Уимурад дахэхэр зэкIэ ренэу къыбдэрэхъух!
Урысые Федерацием и Президент и Администрацие и Пащэ игуадзэу Д. Козак

Лъытэныгъэ зыфэсшIырэ Исхьакъ Шумафэ ыкъор!

Сыгу къыздеIэу уимэфэкIкIэ сыпфэгушIо!
УигъашIэ зэрэщытэу хэку гупсэмрэ тхэнымрэ япхыгъ. Хэгъэгум уфэлэжьэн, уипшъэрылъ зэрэбгъэ­цэкIэн, цIыфыгъэ пхэлъын зэрэфаем япхыгъэ гупшысэхэр зыпхырыщыгъэ уитхыгъэхэр лъэшэу цIыф жъугъэхэм якIасэх.
Урысыем IофшIэнымкIэ и ЛIыхъужъэу, Адыгеим инароднэ усакIоу, Мыекъуапэ ицIыф гъэшIуагъэу, Урысыем итхакIохэм я Союз и Апшъэрэ творческэ совет итхьамэтэгъоу ущыт, ныбжьыкIэхэм гъозэшIоу уряI.
Псауныгъэ пытэрэ творческэ гухахъорэ ренэу уиIэнэу, шIоу щыIэр къыбдэхъунэу пфэсэIо.
Урысые Федерацием и Президент
иIэпыIэгъоу, Урысыем итхакIохэм я Союз
иапэрэ секретарэу В. Мединский

Лъытэныгъэ зыфэсшIырэ Исхьакъ Шумафэ ыкъор!

Уныбжь илъэс 95-рэ зэрэхъугъэмкIэ сигуапэу сыпфэгушIо!
ЩыIэныгъэ гъогушхо къэзыкIугъэ тхэкIо цIэрыIоу, акъылышIоу узэрэщытым лъэшэу сырэгушхо.
ЗэчыишIоу узэрэщытым, творческэ гъэхъэгъэшхохэр зэрэуиIэхэм апай цIыф къызэрыкIохэм шIу узкIалъэгъурэр, осэ ин къызкIыпфашIырэр. КупкIышхо зиIэ тхыгъэхэр уикъэлэмыпэ къыпыкIыгъэх, адыгэ культурэми, хэгъэгум илитератури уиIахьышIу ахэпшIыхьагъ.
Общественнэ Iофхэм чанэу узэрахэлажьэрэм, ящыIэныгъэ гъогу рыкIонхэмкIэ ныбжьыкIэхэм IэпыIэгъу узэрафэхъурэм афэшI лъытэныгъэшхо къыпфэтэшIы. Лъэпкъ зэфыщытыкIэхэм ягъэпытэн узэрэдэ­лажьэрэм шIум, гукIэгъурэ зэгурыIоныгъэрэ тхэлъынхэм тафагъасэ.
УигъашIэ кIыхьэ хъунэу, насыпышхо уиIэнэу, тапэкIи гъэхъагъэхэр пшIынэу, ори, уинагъо исхэми, къыппэблагъэхэми щыIэкIэ-псэукIэ дэгъу шъуиIэнэу сышъуфэлъаIо.
Лъытэныгъэшхо къыпфэзышIэу, Урысые Федерацием щынэгъончъэнымкIэ и Совет исекретарь игуадзэу КIокIо Юр

Лъытэныгъэшхо зыфэсшIэу Исхьакъ Шумафэ ыкъор!

Илъэс 95-рэ узэрэхъугъэм фэшI гуфэбэныгъэ хэлъэу сыпфэгушIо!
Илъэсыбэ хъугъэу, гуетыныгъэ фыуи­Iэу тихэгъэгу ифедэхэм апае мэхьанэшхо зиIэ Iофыбэ зэшIоохы. IэпэIэсэныгъэ инэу пхэлъым, узфэгъэзэгъэ Iофым хэшIыкIышхо зэрэфыуиIэм апае лъытэныгъэшхо къэблэжьыгъ.
Анахь хэзгъэунэфыкIынэу сызыфаер литературэм уиIахьэу хэпшIыхьагъэр ары. О уитхылъхэр егъэшIэрэу тари­хъым хэхьащтых, къыткIэхъухьэхэрэр яхэгъэгу фэшъыпкъэхэу пIугъэнхэмкIэ ахэм мэхьанэшхо яI.
Мы мэфэ шIагъом сыпфэлъаIо псауныгъэ пытэ, творческэ гуетыныгъэшхо уиIэнэу, уимурад дахэхэр зэкIэ къыб­дэхъунхэу. УзэхэзышIыкIырэ, зиIоф фэкъулай цIыфхэр, къыпфэшъыпкъэ ныбджэгъухэр ренэу уерэгъусэх.
Урысые Федерацием и Общественнэ палатэ исекретарь игуадзэу В. В. Гриб