МэщбэшIэ Исхьакъ ыныбжь илъэс 95-рэ зэрэхъугъэмкIэ къыфэгушIонэу къош Абхъазым къикIыгъэ лIыкIо купым АР-м и ЛIышъхьэу КъумпIыл Мурат Правительствэм иунэ щыIукIагъ.

Абхъазым ивице-президентэу Беслан Бигвава, ащ и ЛIышъхьэщтыгъэу Аслъан Бжания, Абхъаз Респуб­ликэм и Президент и Администрацие ипащэу Беслан Эшба игуапэу зэраIукIагъэр КъумпIыл Мурат хигъэу­нэфыкIыгъ.
Адыгеимрэ Абхъазымрэ зэрэзэдэлэжьэщтхэ лъэныкъохэм къадыхэлъытагъэу агъэнэфэгъэ проектхэм зэIукIэгъум щатегущыIагъэх.

— Тарихъым, зэкъош ыкIи IофшIэгъу зэфыщытыкIэхэм тызэрапхы, проектыбэхэр, культурнэ-гъэсэныгъэ программэхэр гъэцэкIагъэ хъугъэх. Сатыу-экономическэ, шIэныгъэ-техническэ, гуманитар, со­циальнэ-культурнэ ыкIи зекIоным алъэныкъокIэ шIуагъэ хэлъэу тызэдэлэжьэн тлъэ­кIыщт.
Зэкъошыныгъэм ыкIи зэдэлэжьэныгъэм тапэкIи ахэдгъэхъоным тызэгъусэу Iоф дэтшIэщт, урысые-абхъаз зэфыщытыкIэхэр нахь гъэпытэгъэнхэмкIэ тишIуагъэ къэдгъэ­кIощт, — къыщитхыгъ АР-м и ЛIышъхьэу КъумпIыл Мурат и Телеграм-нэкIубгъо.