Росгвардием АР-мкIэ и ГъэIорышIапIэу лицензионнэ-Iизын IофшIэнымкIэ Гупчэм икъулыкъушIэхэм 2025-рэ илъэсым къыщегъэжьагъэу шъолъырым щыпсэухэрэм къарахьы­лIэгъэ Iэши 140-м ехъу хэу­шъхьафыкIыгъэ дзэ операцием хэлажьэхэрэм аIэкIагъэхьа­гъэх.

Iашэу аратыгъэхэр зыфытегъэ­псы­хьагъэхэр цIыф зэрымыс къэзыбыбыхьэрэ пкъыгъохэм якъеутэхын ары.
УФ-м зыкъэухъумэжьынымкIэ и Министерствэ ыкIи Росгвардием цIыф­хэм яшIоигъоныгъэ хэлъэу Iашэхэр ыкIи ахэм ягъусэ щэ-гынхэр къаIахыхэ зыхъукIэ зэзэгъыныгъэхэр адашIых. Мыщ фэдэ шIоигъоныгъэ зиIэхэр Мыекъуапэ иурамэу Индустриальнэм иунэу N 25-м лицензие Iизын IофшIэным и Гупчэу тетым зыфагъэзэн алъэкIыщт.