Щынэгъончъэным икод ыкIи зэ гъэфедэгъу паролыр зыми ешъумыIу. Хэти, банкым иIофышIи, картэр зием фытеоу и ПИН-код е щынэгъончъэным икод кIэупчIэн фитэп.

Картэр зыIыгъым ащ икод гущыIэхэм якъэбар — банкым икартэ цIыфым къыраты хъумэ къыратхэ.
Банкым иконтакт-гупчэ картэр зиер теон хъумэ кодым игущыIэхэр ари-
Iон фае.
ГъэпцIакIохэм псынкIэу къашIэн амылъэкIынэу кодым игущыIэхэр къыхэшъухын фае.
Контакт-гупчэм цIыфым зызфигъазэкIэ код гущыIэр е банкым икартэ икод ипчъагъэхэр ариIонхэу щыт.
Интернет-банкыр щынэгъончъэу сыдэущтэу бгъэфедэн ­плъэкIыщта?

1. Экраныр зэрэзэфэпшIыщтым ипароль нахь къинэу къэшъуугупшыс ыкIи антивирус программэ анахь дэгъум фэдэ тежъугъэуцу. ШъуIапэ тешъулъхьэзэ е шъунэгу ежъугъэлъэгъузэ банкым иприложениехэм шъуарымыхь.
2. Мобильнэ банкым шъузэрихьащт логиныр ыкIи паролыр шъуителефон тешъумыгъэт.
3. Картэм иреквизитхэр: номерыр, пIалъэу иIэр зыфэдизыр, картэм и ПИН-код телефоным тешъумыгъэт.
4. Мобильнэ банкым исистемэ нэ­мыкI горэм икомпьютеркIэ шъуимыхь.
5. Телефоныр шъушIокIодыгъэмэ псын­кIэу банкым шъутеу ыкIи картэр зэ­фяжъугъэшI.
6. СМС-мэкъэгъэIумкIэ шъумышIэрэ ссылкэхэм шъуарымыхь.
7. СМС-мэкъэгъэIу къызышъуфакIокIэ, ащ итхэгъэ гущыIэхэр экраным къытыримыдзэнэу зэфэшъушI.
   ШъушIэн фае!
   Бэрэ къыхэкIы гъэпцIакIохэм банкым иIофышIэу аIозэ цIыфхэр агъэделэхэу. «Бонус къышъуфихьагъ», «социальнэ программэм шъупашIагъ» аIозэ гъэпцIа­кIохэм картэм иреквизитхэр, щынэгъон­чъэным икодхэр, зэ гъэфедэгъу паролыр яшъуIонэу къыкIэдэух. ЯщыкIагъэхэр къызызIэкIагъахьэкIэ гъэпцIакIохэм загъэбылъыжьы.

КIарэ Фатим.