Ныбжьым емылъытыгъэу

Iахьзэхэлъ мысатыу организациеу «Физическэ культурэмрэ спортымрэ хэхъоныгъэ ягъэшIыгъэнымкIэ Гупчэм» ипроектэу «Активные люди 4» зыцIэ Iофтхьабзэхэм язэфэхьысыжь зэхащагъ.
Республикэ бюджетым къыхагъэкIыгъэ грантым ишIуагъэкIэ проектыр агъэцэкIагъ. ЦIыфхэм IэпыIэгъу афэхъугъэнымкIэ Штабэу Адыгеим итым ар щыкIуагъ.
Iофтхьабзэм ипроектэу «Активные люди 4» зыцIэм именеджерхэу Галина Каташевскаямрэ Марина Мельникрэ зэхахьэм къыщыгущыIагъэх. Илъэсым къыкIоцI агъэцэкIагъэр къаIотагъ.
— Нэжъ-Iужъ пэпчъ иIофхэм язытет нахьышIу хъуным, щыIэныгъэм чанэу хэтынхэм афытегъэпсыхьэгъэ Iофтхьабзэхэр проектым къыщыдэлъытагъэх. Ныбжь хэкIотагъэ зиIэхэм тыкъэзыуцухьэрэ дунаим идэхагъэ алъэгъуныр, япсауныгъэ къаухъумэныр, аныбжь емылъытыгъэу щыIэкIэ гъэшIэгъон бгъэпсын зэрэплъэкIыщтыр алъыдгъэIэсыныр, ахэм къафэтщэнхэр ары проектым пшъэрылъ шъхьаIэу иIагъэр. ЗэкIэ дгъэнэфэгъэ Iофыгъохэр зэрифэшъуашэу дгъэцэкIагъэх. Нахьыжъхэм ягъашIэ хэгъэхъогъэным проектыр фэIорышIэ. Ащ пае ахэр физическэ культурэм ыкIи спортым, псауныгъэр гъэпытэгъэным афэгъэхьыгъэ Iофтхьабзэхэм ахэтэгъэлажьэх. ТиIофшIэн кIэухэу фэхъун фаер тыжьын ныбжьым итхэм ящыIэкIэ-псэукIэ нахьышIу шIыгъэныр ары, — къыIуагъ Марина Мельник.

— Типроект къыдыхэлъытагъэу зыныбжь хэкIотагъэхэр зыхэлэжьэгъэ Iофтхьэбзэ зэфэшъхьафхэр зэхэтщагъэх. Псауныгъэр — насыпыгъ, ау ар гъэпытэгъэнымкIэ цIыфым елъытыгъэр макIэп. Спортыр — щыIэныгъ, ащ гъашIэр нахь кIыхьэ ешIы, — къыIуагъ Галина Каташевскаям.
Пенсием щыIэхэм япсауныгъэ агъэпытэным, яшIэныгъэхэм ахагъэхъоным проектыр фэIорышIагъ. Зыныбжь хэкIотагъэхэр жъышъхьэ мафэ хъунхэм, ащкIэ ящыкIэгъэ амалхэр ягъэгъотыгъэн-
хэм мэхьанэшхо зэриIэр къекIолIагъэхэм зэхашIагъ.
Лъэпшъыкъо Фатим.
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Telegram