ШIэныгъэхэмкlэ Урысые академием иакадемикэу, биологие шlэныгъэхэмкlэ докторэу, Пшызэ мэкъумэщ университетым агрохимиемкIэ икъутамэ ипащэу Шэуджэн Асхьад мэкъу-мэщым фэгъэхьыгъэ Iофтхьабзэу Китай щыкIуагъэм хэлэжьагъ.

Урысыем илIыкIо куп хэтэу къалэу Харбин и Темыр-КъокIыпIэ имэкъумэщ университет ар еблэгъагъ. ЧIыгъэшIухэм яшIуагъэ хэгъэхъогъэнымкIэ цифрэ шъуа­шэм илъ технологиехэм ягъэфедэн федэу пылъыр зэгъэшIыгъэнымкIэ зэхащэгъэ ушэтынхэм язэфэхьысыжьхэм тишIэныгъэлэжьхэр къатегущыIагъэх ыкIи мэкъу­мэщ еджапIэхэм ачIэс ныбжьыкIэхэм агробиологическэ шIэныгъэхэр ягъэгъо­тыгъэнхэм фытегъэпсыхьэгъэ екIолIа­кIэхэмкIэ бысымхэм адэгощагъэх.
Шэуджэн Асхьад — шIэныгъэхэмкlэ Урысые академием иакадемик, биологие шlэныгъэхэмкlэ доктор, Пшызэ мэкъумэщ университетым агрохимиемкIэ икъутамэ ипащ:
— КъасIомэ сшIоигъор, Китай Урысыем фэдэу къэралыгъошху. Ары пакIошъ, ишъолъыр заулэхэу Темыр Iахьым щыIэхэр чIыопсым игъэпсыкIэкIэ Пшызэ шъолъырым пэблагъэх. Тэ тыздэщыIэгъэ мэкъу­мэщ университетыр дунаимкIэ анахь еджэпIэшхомэ ащыщ, нэбгырэ мин 37-рэ щеджэ. Дунаим икъэралыгъо зэфэшъхьафхэм къарыкIыгъэхэр чIэсых. Тэ талъэныкъо икIыгъэу щеджэхэрэм сызэрагъэлъэ­гъугъ. Дэгъоу къыт- пэгъокIыгъэх. ШIэныгъэм илъэныкъо пстэумкIи къыддэлэжьэнхэм фэхьазырых.
Джащ фэдэу, интеллектуальнэ мэкъу-мэщым Урысыемрэ Китаимрэ защягъэушъомбгъугъэным шIуагъэу хэлъым фэгъэхьыгъэ Iэнэ хъураехэр зэхаща­гъэх. ШIэныгъэу аIэкIэлъхэмкIэ зэдэгощагъэх ыкIи къэралыгъохэр зыщызэдэлэжьэ­шъущт лъэныкъохэр агъэнэфагъэх.
Анцокъо Ирин.