Iофтхьабзэу «ЗаБег.РФ» зыфиIорэр Калининград къыщегъэжьагъэу Камчаткэ нэс щыкIуагъ.

Ащ чъэныр зыгу рихьыхэрэр хэлэжьагъэх, къэралыгъом ит къэлэ 61-мэ ялIыкIохэм заушэтыгъ. Ахэм ащыщыгъэх Мые­къуапэ щыпсэухэрэри.
Республикэ стадионэу «Зэ­къошныгъэм» щырагъажьи нэбгырэ мин фэдиз къэчъагъ. Рес­публикэм икъэлэ шъхьаIэ имызакъоу, шъолъырым инэмыкI муниципалитетхэм, тигъунэгъу Краснодар краим ипсэупIэхэм къарыкIыгъэхэм заушэтыгъ. Iоф­тхьабзэм кIэщакIо фэхъугъ АР-м физическэ культурэмкIэ ыкIи спортымкIэ и Комитет.
Километрэ 21,1-рэ зикIыхьэгъэ гъогум къыщызэдэчъагъэхэм азыфагу текIоныгъэр ыкIи ха­гъэунэфыкIырэ чIыпIэхэр къа­щафагъэшъошагъэх: хъулъфы­гъэхэмкIэ — Евгений Тимчен­кэм (Ермэлхьабл), Тихон Артюковым (Краснодар), Алексей Хрущ (Мыекъуапэ). Бзылъфы­гъэхэмкIэ — Екатерина Ще­петковам (Ермэлхьабл), Светлана Стефанович (Краснодар), На­талья Лопатинам (псэупIэу Ус­пенскэр).
Километри 10 хъурэ гъогур:
хъулъфыгъэхэмкIэ — Алексей Фарносовым (псэупIэу Новый), Богдан Колосовым (Псыфаб), Семен Асеевым (Табачнэр). БзылъфыгъэхэмкIэ — Елена Мелконянц (Ермэлхьабл), Людмила Новиковам (ст. Северскаяр), Екатерина Тыщенкэм (Мыекъуапэ).
Километри 5 хъурэ гъогур:
хъулъфыгъэхэмкIэ — Кирилл Симаковым (Лабинск), Константин Люшак (Мыекъуапэ), Евгений Лобачевым (Краснодар). БзылъфыгъэхэмкIэ — Ангелина Небокаровам ­(Краснодар), Евгения Яценкэм (Мыекъуапэ), Диана Котаевам (Мыекъуапэ).
Джащ фэдэу зыныбжь имы­къугъэхэм язэнэкъокъу текIоныгъэр ыкIи хагъэунэфыкIырэ чIыпIэхэр къыщыдахыгъэх Мыекъуапэ илIыкIохэм: Никита Кузьменкэм, Миларада Соколовам, Вадим Дышловым, Никита Слынко, Екатерина Головиновам, Къа­нэкъо Юлие, Быщтэ Заур, Милана Логиновам.