ВолейболымкIэ зэнэ­къокъу къуаджэу Еджэркъуае щы­кIуагъ. 2009 — 2010-рэ илъэсхэм къэхъугъэ пшъа­шъэхэр зыхэт ­командэхэм заушэтыгъ. Iофтхьабзэр ТекIоныгъэм ия 80-рэ ­илъэс фэгъэхьыгъагъ.

Турнирым комади 5 хэлэ­жьагъ. ЕшIэгъухэр гъэшIэгъонэу кIуа­гъэх. Тренер-кIэлэегъаджэу Бэр­зэдж Руслъан зипэщэ «ДЮСШ-м» (Кощхьабл) ятIонэрэ чIыпIэр къыдихыгъ. Ящэнэрэ хъугъэ тренер-кIэлэегъаджэу Ольга Про­каевам ыгъэсэрэ пшъашъэхэр зыхэт командэу «РЦ ДОД» (Мые­къуапэ). ТекIоныгъэр зыфагъэшъошагъэр тренерэу Галина Путятинар зипэщэ спорт еджапIэу С.М. Джэнчатэм ыцIэ зыхьырэм икоманд ары.
ХагъэунэфыкIырэ чIыпIэхэр къыдэзыхыгъэхэм, джащ фэдэу зэнэкъокъум иешIэкIо анахь дэ­гъухэм зэхэщакIохэр афэгу­шIуагъэх, агъэшIуагъэх.