ФутболымкIэ Адыгэ Республикэм изэнэкъокъу иапэрэ къекIокIыгъо ма­кIо. Мы илъэсым шъолъырым имуниципалитети 7-мэ якомандэхэр ащ хэлажьэх.

БлэкIыгъэ илъэсым пэрытыныгъэ зыIыгъыгъэхэр джыри хагъэунэфыкIырэ чIыпIэхэм афэбанэх.
Мы мафэм ехъулIэу комади 4-мэ очко хырых рагъэкъугъ. Ау «Тэхъутэмыкъуаерэ» «Мые­къуапэрэ» ешIэгъоу яIагъэр зыкIэ нахь макI. Зэнэкъокъур гъэшIэгъонэу, узIэпищэу макIо. Ащ дакIоу командэхэр зыдэщыт чIыпIэ­хэм зэхъокIыныгъабэ афэхъун ылъэкIыщт, сыда пIомэ ахэм джыри зэIукIэгъубэ къапыщылъ.
ЖъоныгъуакIэм и 24-м псэупIэу Джаджэм щызэIукIэщтых «ДЮСШ-мрэ» «Кощхьаблэ
рэ», «Тэхъутэмыкъуаер» «Адыгэкъалэ» дешIэщт. Я 4-рэ турым иешIэгъу шъхьаIэ ­къуаджэу Пэнэжьыкъуае щыкIощт, «Чэчэнаир» «Мыекъуапэ» дэджэгущт. ЗэIукIэгъухэр сыхьатыр 3-м рагъэжьэщтых.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Тэхъутэмыкъуай» — 6.
2. «Мыекъуапэ» — 6.
3. «Кощхьабл» — 6.
4. «Чэчэнай» (Теуцожь район) — 6.
5. ДЮСШ (Джэджэ район) — 2.
6. «Урожай» (Мыекъопэ район) — 1.
7. «Адыгэкъал» — 1.