ГандболымкIэ Урысые зэнэкъокъухэр Адыгэ ­къэралыгъо университетым иордэунэу Кобл Якъубэ ыцIэ зыхьырэм щырагъэжьагъэх.

Зыныбжь илъэс 14-м емы­хъугъэ пшъашъэхэм заушэты. Мыр финал едзыгъоу щыт ыкIи къэралыгъом икомандэ анахь лъэш 12 хэлажьэ. Адыгеир къэ­зыгъэлъагъорэр спорт еджапIэу С. М. Джэнчатэм ыцIэ зыхьырэм зыщызыгъасэхэрэр ары.
Мыекъуапэ илIыкIохэр янэ­къокъущтых Самарскэ хэкум, Ярославль, Санкт-Петербург, Ростов-на-Дону, Краснодар, Астрахань, Москва, Московскэ хэкум, Волгоград якомандэхэм. Финал едзыгъом иапэрэ уцугъо командэхэр купитIоу гощыгъэщтых.
Купэу «А-м» хэтых: «Самарскэ хэкур-1», «Ростов-на-Дону», «Ярославль», «Астраханскэ хэ­кур-1», «Санкт-Петербург», «Краснодар-1».
Купэу «Б-м» къыщыгъэлъэгъуагъэх: «Мыекъуапэ», «Мос­ковскэ хэкур», «Краснодар-2», «Волгоград», «Москва», «Самарскэ хэкур-2».
ЕшIэгъухэр мафэ къэс пчэдыжьым сыхьатыр 10-м ще­гъэжьагъэу кIощтых. Турнирыр жъоныгъуакIэм и 29-м зэфа­шIыжьыщт.