Хэгъэгу зэошхом ТекIоныгъэр къызщыдахыгъэм ия 80-рэ илъэс фэгъэхьыгъэу теннис цIыкIумкIэ зэнэ­къокъухэр къалэу Хадыженскэ щыкIуагъэх. Ащ хэлэжьагъэхэм ахэтыгъэх Адыгеим испортсмен ныбжьыкIи 6.

Турнирым зыщаушэтыгъ зыныбжь илъэс 16-м нэмысы­гъэхэмрэ нахьыжъхэмрэ. Пшъа­шъэхэм язэнэкъокъу пштэмэ, анахь чанэу зыкъэзыгъэлъэ­гъуа­гъэхэр Краснодар краим и Апшеронскэ район илIыкIохэр ары. Республикэм илIыкIоу, ­илъэсипшI зыныбжь Бзаго Дамир хагъэунэфыкIырэ чIыпIэ къыдихыгъ. Ащ зэIукIэгъуи 7-мэ текIоныгъэр къащыдихыгъ, зыр шIуахьыгъ.
ХэушъхьафыкIыгъэ щытхъу тхылъхэмкIэ къыхагъэщыгъэх Мые­къуапэ къэзыгъэлъэгъогъэхэ Владимир Скобелевымрэ (я 7-рэ чIыпI) Вероника Ивановамрэ (я 5-р).
ЗэкIэмкIи зэнэкъокъум спорт­смен 36-рэ хэлэжьагъ. Ахэм зау­шэтыгъ, нэIосакIэхэр ашIыгъэх.