СамбэмкIэ зэнэкъокъухэр къалэу Анапэ щыкIуагъэх. Космонавтэу, Урысыем и ЛIыхъужъэу Ф.Н. Юрчихиным ишIэжь фэгъэхьыгъэ турнирым нэбгырэ 200-м ехъу хэлэжьагъ.

Адыгэ Республикэм илIыкIохэм гъэ­хъэгъэшIухэр ашIыгъэх, текIоныгъэр ыкIи хагъэунэфыкIырэ чIыпIэхэр къыдахы­гъэх.
Дышъэ медальхэр къахьыгъэх Хьа­къуй Эльдаррэ КушъпIэ Къэплъанрэ. ЯтIонэрэ чIыпIэр къафагъэшъошагъ Тыгъужъ Тимур, Апыщ Ислъам, Шънэхъо Аслъан. Джэрз медальхэр къахьыгъэх ЛIыхъурэе Мурат, Анцокъо Амир, Хьакъуй Амир, Бэгъ Салим.
Хьакъуй Эльдаррэ КушъпIэ Къэплъан­рэ Урысыем спортымкIэ имастер хъунхэмкIэ шапхъэхэр агъэцэкIагъэх. Ти­кIалэхэм ыкIи ахэр зыгъасэхэрэм тафэгушIо, тапэкIи республикэм ыцIэ дахэкIэ рарагъэIонэу, ягъэхъагъэхэм ахагъэхъонэу афэтэIо.