ФутболымкIэ Урысыем изэнэкъокъу иятIонэрэ лигэ икупэу «Б-м» хэт «Зэкъошныгъэм» я 10-рэ турым къыдыхэлъытагъэу къалэу Ростов-на-Дону щешIагъ, чIыпIэ командэу «Ростов-2-м» IукIагъ.

«Ростов-2» — «Зэкъошныгъ» — 1:0 (0:0).
Къэлапчъэм Iэгуаор дэзы­дзагъэр: Р. Асенчуковыр (90+2).
«Ростов-2-м» хэтыгъэх: Д. Рязановыр (къэлэпчъэIут), И. Веселковыр, М. Ковальковыр (Н. Бабабкиныр), А. Максецовыр, А. Мухиныр, И. Зубенкэр, Н. Каштан (М. Алимовыр), Н. Куприяновыр, Г. Суановыр (Н. Андрияновыр), М. Мартьяновыр, Д. Хромовыр (Р. Асенчуковыр).
Тренер шъхьаIэр — А. Аброскиныр.
«Зэкъошныгъэм» щешIагъэх: Т. Хачировыр (къэлэпчъэIут), С. Черджиевыр, Х. Магомедбековыр, М. Гаджимогомедовыр, К. Юшко (Т. Хьахъор), К. Антонец, З. Коблыр, А. Малкандуевыр (Д. Антоненкэр), Е. Рагулькиныр, Н. Сергеевыр (Э. Цанава), Г. Абдуллаевыр (А. Делэкъор).
Тренер шъхьаIэр — С. Мирошниченкэр.
«Зэкъошныгъэм» ешIэгъур дэгъоу ригъэжьагъ, тифутболистхэр ренэу ыпэкIэ илъыщтыгъэх, Iэгуаори нахьыбэрэ аIыгъыгъ. Ау къэлапчъэм Iэгуаор дадзэн алъэ­кIыгъэп. ЗэIукIэгъур аухынкIэ тIэкIу дэдэ къэнагъэу «Рос­тов-2-м» пчъагъэр къызэIуихыгъ, 1:0-у текIоныгъэр къыдихыгъ. Къэлапчъэм Iэгуаор дэзыдзагъэр бысымхэм яфутболистэу Рустам Асенчуковыр ары. ЕшIэгъум ыуж «Ростов-2-м» итренер шъхьаIэу Александр Аброскиным къызэриIуагъэмкIэ, зыдешIэгъэхэ командэр къызэрыкIуагъэп, джырэ уахътэм зыдэщыт чIыпIэр епэсыгъэп.
— «Зэкъошныгъэм» ешIэкIэ дахэ къегъэлъагъо, ыпэкIэ щешIэхэрэр футболист лъэшых. Арышъ, непэ зыдэщыт чIыпIэр епэсыгъэп, — къыIуагъ ащ зэфэхьысыжьхэр къы­шIызэ.
Я 10-рэ турым къыдыхэлъытагъэу зэнэкъокъум пэрытныгъэ щызыIыгъ «Кубань Холдингыр» «Легионым» текIуагъ. Джащ фэдэу «Динамо Ставрополь», «Рубин Ялта» ыкIи «Победа» зыфиIохэрэм очко щырыщ къахьыгъ. Астраханьрэ Назраньрэ ащыкIогъэ ешIэгъухэм пчъагъэр ащызэфэдизыгъ.
Я 10-рэ турым изэфэхьысыжьхэр: «Кубань Холдинг» — «Легион» — 3:0, «Астрахань» — «Шъа­чэ-2» — 1:1, «Динамо Ставрополь» — «Нарт» — 1:0, «Ангушт» — «Спартак-Налщык» — 0:0, «Рубин Ялта» — «Севастополь» — 2:1, «Ростов-2» — «Зэ­къошныгъ» — 1:0, «Динамо-2» — «Победа» — 1:3.
«Зэкъошныгъэр» я 9-рэ чIыпIэм щыт. КъыкIэлъыкIощт ешIэгъур жъоныгъуакIэм и 24-м Мыекъуапэ щыриIэщт, командэу «Динамо Ставрополь» тихьакIэщт.
Командэхэр зыдэщыт чIыпIэхэр ыкIи очко п­чъа­гъэу рагъэкъугъэр:

1. «Кубань Холдинг» — 22.
2. «Динамо Ставрополь» — 20.
3. «Ростов-2» — 20.
4. «Победа» — 19.
5. «Шъачэ-2» — 19.
6. «Севастополь» — 16.
7. «Легион» — 15.
8. «Рубин Ялта» — 14.
9. «Зэкъошныгъ» — 11.
10. «Нарт» — I0.
11. «Спартак-Нал- щык» — 9.
12. «Астрахань» — 8.
13. «Ангушт» — 6.
14. «Динамо-2» — 1.