АдыгеимкIэ икIыгъэ тхьамафэм пэтхъу-Iутхъур ыкIи гриппыр къызэузыгъэхэм япчъагъэ нэбгырэ 279-рэ мэхъу. ЩэфакIохэм яфитыныгъэхэр ыкIи цIыфым игупсэфыныгъэ къэухъумэгъэнхэмкIэ Федеральнэ къулыкъум и ГъэIорышIапIэу Адыгэ Республикэм щыIэм къызэритырэмкIэ, нэбгырэ мини 10-м телъытагъэу узыр къы­зэутэкIыгъэр — 5,6-рэ мэхъу. Эпидемическэ шапхъэм егъэпшагъэмэ, процент 71-кIэ ар нахь макI, ау ыпэрэ тхьамафэм елъытыгъэмэ, процент 24,4-кIэ нахьыб.
Къалэу Мыекъуапэ щыпсэурэ нэбгырэ 98-мэ пэтхъу-Iутхъур ыкIи гриппыр къяу­тэкIыгъэу агъэунэфыгъ. Ар эпидемическэ шапхъэм процент 61-кIэ нахь макI нахь мышIэми, икIыгъэ тхьамафэм сымаджэ хъугъэхэм япчъагъэ егъэпшагъэмэ проценти 5,3-кIэ нахьыб.