Видеоролик кIакохэм якъэгъэлъэгъонэу «Тызэгъусэу наркотикхэм тапэшIуекIощт» зыфиIорэ шъолъыр зэнэкъокъум хэлажьэ зышIоигъохэм ялъэIу тхылъхэм якъэтын лъагъэкIуатэ.

IофшIагъэхэр мэкъуогъум и 1-м нэс электроннэ адресэу «otdelsmi@yandex.ru.» зыфиIорэм ежъугъэхьынхэ шъу­лъэкIыщт. Зэнэкъокъум хэлэжьэнхэу къырагъэблагъэх аныбжь емылъыты­- гъэу Адыгеим щыпсэурэ авторхэр, автор купхэр (нэбгырищым къемыхъу­хэрэр). ЗэкIэмкIи IофшIэгъи 3 зы нэбгырэм къырихьылIэн ылъэкIыщт.
Зэнэкъокъур заочнэ шIыкIэм тетэу рекIокIыщт, ащ икIэуххэр бэдзэогъум къэнэфэщтых, текIоныгъэ къыдэзыхы­гъэхэр агъэшIощтых.
Ахъщэ шIухьафтын фондыр сомэ мин 45-рэ мэхъу. Ар автор купым хэтхэми аратын алъэкIыщт.
Апэрэ чIыпIэр къыдэзыхырэм сомэ мин 20 ратыщт, я 2-м — сомэ мин 15 ыкIи я 3-рэ хъурэм сомэ мини 10.