ВолейболымкIэ Урысыем ипервенствэ къалэу Нижний Новгород щыкIуагъ. 2011 — 2012-рэ илъэсхэм къэхъугъэ кIалэхэр ары зызыушэтыгъэхэр. Къэралыгъом ичIыпIэ зэфэшъхьафхэм къарыкIыгъэ командэ 16 зэнэкъокъум хэлэжьагъ.

Къыблэ федеральнэ шъолъырыр къэзыгъэлъэгъуагъэхэр Волгоградскэ хэкум ыкIи Адыгэ Республи­кэм ялIыкIохэр ары. Волгоградцэхэм я 13-рэ чIыпIэр къыда­хыгъ. Спорт еджапIэу С.М. Джэнчатэм ыцIэ зыхьырэм зыщызыгъасэхэрэм ешIэгъуи 8 яIагъ. Ахэм пэщэныгъэ адызэрихьагъ тренер-кIэлэегъаджэу Юрий Пичуевым.
Тикомандэ апэрэ едзыгъом къыдыхэлъытэгъэ ешIэгъоу иIагъэ­хэр зэкIэ пчъагъэр 3:0-у шIуахьыгъэх. Республикэу Башкортостан, Воронежскэ хэкум ыкIи Алтайскэ краим ялIыкIохэр къатекIуагъэх. Я 9 – 16-рэ чIыпIэхэм тиволейболистхэр афэбанэхэзэ Красноярскэ ыкIи Хабаровскэ крайхэм, Новосибирскэ ыкIи Сахалинскэ хэкухэм якомандэхэм аIукIагъэх, ау ахэри шIуахьыгъэх. Аужырэ зэIукIэгъоу Адыгеим икомандэ иIагъэм Хабаровскэ краим 3:2-у щытекIуагъ ыкIи я 15-рэ чIыпIэр къыдихыгъ.