Къалэжьыгъэхэр аратыжьыгъэх
Адыгеим икъэлэ шъхьаIэ щыпсэухэу физкультурэ-спорт Iофтхьабзэу «IофшIэным ыкIи зыкъэухъумэжьыным сафэхьазыр» зыфиIорэм ишапхъэхэр зэрифэшъуашэу зытыгъэхэм къалэжьыгъэ тынхэр аратыжьыгъэх. 2024-рэ илъэсым изэфэхьысыжьхэмкIэ нэбгыришъэ фэдизмэ дышъэ, тыжьын ыкIи джэрз бгъэхалъхьэхэрэр афагъэшъошагъэх.
ГъэхъэгъэшIу зышIыгъэхэм, ахэм янахьыбэр зыныбжь имыкъугъэх, дышъэ бгъэхалъхьэхэр къалэжьыгъэх. Бэхэр апшъэрэ классхэм арыс кIэлэеджакIох. Мыхэм ащыщхэу бгъэхалъхьэр къэзылэжьыхэрэм гурыт сэнэхьат зыщарагъэгъотырэ ыкIи апшъэрэ еджапIэхэм ачIахьэхэ зыхъукIэ балл тедзэхэр яIэщтых.
Джащ фэдэу Iоф зышIэхэрэм, нахьыжъхэм ащыщхэми шапхъэхэр атыгъэх. Ахэм ящысэкIэ къагъэлъагъо уипсауныгъэ уфэсакъын, бгъэпытэн зэрэфаер. ГущыIэм пае, Марет Керселян зыныбжь илъэс 60-м ехъугъэхэм якуп хэтыгъ ыкIи зэрифэшъуашэу зыкъыгъэлъэуагъ.
Iофтхьабзэм икIэщакIор Мыекъуапэ физическэ культурэмкIэ ыкIи спортымкIэ и Комитет. ЗэрагъэнэфагъэмкIэ, Iофтхьабзэу «IофшIэным ыкIи зыкъэухъумэжьыным сафэхьазыр» зыфиIорэм изичэзыу тхьамафэ жъоныгъуакIэм ыкIэм зэхащэщт.