ГандболымкIэ Урысые зэнэкъокъухэу къалэу Астрахань щыкIуагъэхэм 2011-рэ илъэсым къэхъугъэ пшъашъэхэр хэлэжьагъэх. Адыгэ Республикэр къэзыгъэлъэгъуагъэр спорт еджапIэу С.М. Джэнчатэм ыцIэ зыхьырэм зыщызыгъасэхэрэр ары.

Финал едзыгъом нэсынхэм ыпэкIэ тигандболисткэхэм хэшыпыкIын турниритIу къызэранэ­кIыгъ. Тренер-кIэлэегъаджэу Ва­лерий Гончар ыгъасэхэрэм Урысыем икомандэ анахь лъэш 12-мэ язэ­нэкъокъу я 8-рэ чIыпIэр щаубытыгъ. Типшъашъэхэм апэрэ уцу­гъом къыдыхэлъытагъэу Краснодар краим, Самарскэ ыкIи Мос­­ковскэ хэкухэм ялIыкIохэм адыряIэгъэ зэIукIэгъухэр ашIуа­хьыгъэх. Я 5 — 8-рэ чIыпIэхэм афэбанэхэзэ Санкт-Петербург икомандэ, джыри зэ Самарскэ хэкур къатекIуагъэх ыкIи я 8-рэ чIыпIэр къахьыгъ.
ТекIоныгъэр къыдихыгъ командэу «Академия гандбола-1» (Краснодар), ятIонэрэ чIыпIэр фагъэшъошагъ «Академия гандбола-2» (Краснодар), ящэнэрэ хъугъэ «СШ Динамо-1» (Волгоград). Адыгеим икомандэ иешIэкIо анахь дэгъоу къыхагъэщыгъэр къэлэпчъэIутэу Ксения Крутовар ары. Урысыем ипервенствэ ихэшыпыкIыгъэ командэ хэхьагъ Сабина Ризаевар.