Хэгъэгу зэошхом ТекIоныгъэр къызщыдахыгъэм ия 80-рэ илъэс ихэгъэунэфыкIын къыдыхэ­лъытагъэу футбол цIыкIумкIэ зэнэкъокъу республикэм щызэхащагъ. Зыныбжь илъэс 40-м ехъугъэхэр ары зызыушэтыгъэхэр.

Iофтхьабзэм кIэщакIо фэхъугъэх Мыекъуапэ физическэ культурэмкIэ ыкIи спортымкIэ и Комитет, АР-м футболымкIэ ифедерациерэ футболымкIэ республикэ спорт еджапIэмрэ. Зэнэкъокъум хэлэжьагъэх командэхэу «ВНГ», «Герта», «Джокер», «Сокол» зыфиIохэрэр, «Еджэркъуай» ыкIи «Щагъдый».
Зэфэхьысыжьхэм къызэрагъэлъэгъуагъэмкIэ, «ВНГ-м» текIоныгъэр къыдихыгъ, ятIонэрэ ыкIи ящэнэрэ чIыпIэхэр афагъэшъошагъэх «Джокерым» ыкIи «Щагъдыим». КъэлэпчъэIут анахь дэгъур Юрий Бибик («Щагъдый»), ухъумэкIо анахь дэгъур Константин Анненкэр («Джокер»), ыпэкIэ щешIэхэрэмкIэ анахь дэгъур Пэнэшъу Темыр­къан («ВНГ»).