ШахматхэмкIэ зэнэкъокъушхо Адыгеим икъэлэ шъхьаIэ жъоныгъуакIэм и 17-м щырагъэжьэщт. Мы мафэм Мыекъуапэ ичемпионат я 80-у къызэIуахыщт. Ащ бзылъфыгъэхэри, хъулъфыгъэхэри хэлэжьэнхэ алъэкIыщт.

ЗэхэщакIохэм къызэраIуагъэмкIэ, турнирыр швейцарскэ шIыкIэм тетэу рагъэкIокIыщт. Джырэ уахътэм ащ хэлажьэ зышIоигъохэм ялъэIу тхылъхэр аштэх. Адыгеим ишахматист анахь лъэшэу, Мыекъуа­пэ ыкIи республикэм гъогогъу пчъагъэрэ ячемпионэу Николай Удовиченкэм зэнэкъокъум зыщиушэтыщт. Iофтхьабзэр жъоныгъуакIэм и 25-м нэс кIощт.