Урым-рим бэнэнымкIэ зэнэкъокъухэр Тэхъутэ­мыкъое районым щыкIуагъэх.

Урысыем и ЛIыхъужъэу Ва­лерий Заволянскэм ишIэжь фэгъэхьыгъэ Iофтхьабзэм икъызэ­Iухын хэлэжьагъэх район администрацием ипащэу Шъэо Аскэр, район советым итхьаматэу Ап­сэламэ Руслъан, ЛIыхъужъым янэу Анжела Заволянскаямрэ ышыпхъоу Дарьерэ.
Адыгэ Республикэм ыкIи Краснодар краим яспортсмени 150-рэ зэнэкъокъугъэх. Мы спорт лъэпкъыр зыгу рихьырэ нэбгырэ ­300 фэдиз ахэм язэIукIэгъухэм яплъыгъэх. Тэхъутэмыкъое районым илIыкIохэм апэрэ чIыпIибл къыдахыгъ, джащ фэдэу гъогогъуи 6-рэ тыжьын медальхэр, гъогогъу 16-рэ джэрзхэр къафагъэшъошагъэх.