ФутболымкIэ Урысыем изэнэкъокъу иятIонэрэ лигэ икупэу «Б-м» хэт «Зэкъошныгъэм» я 9-рэ турым къыдыхэлъытэгъэ ешIэгъоу иIагъэм ешIэкIэ дахэ къыщигъэлъэгъуагъ. Мыекъуапэ ихьэкIагъ командэу «Рубин Ялтэр».

«Зэкъошныгъ» — «Рубин Ялта» — 4:0 (3:0).
Къэлапчъэм Iэгуаор дэзыдзагъэхэр: М. Гаджимогомедовыр — 1:0, Е. Рагулькиныр — 2:0, Е. Рагулькиныр — 3:0, Г. Абдуллаевыр — 4:0. Ю. Максимовым пенальти дидзагъэп.
«Зэкъошныгъэм» щешIагъэх: Т. Хачировыр (къэлэпчъэIут), С. Черджиевыр, Х. Магомедбековыр, М. Гаджимогомедовыр, К. Юшко (Т. Хьахъор), К. Антонец, З. Коблыр (Э. Цанава), А. Малкандуевыр (А. Зезэрахьэр), А. Делэкъор (Г. Абдуллаевыр), Е. Рагулькиныр, Н. Сергеевыр.
«Рубин Ялтэм» хэтыгъэх: М. Микитюк (къэлэпчъэIут), А. Ива­новыр, А. Марченкэр, Г. Сана­коевыр, М. Исаевыр, Н. Кавери­-ныр (И. Ромащук), С. Папазян, М. Слободчиковыр, А. Наниевыр (С. Мосиян), Ю. Максимовыр, В. Пурак (С. Демченкэр).
Ялтэ икомандэ дешIэныр «Зэкъошныгъэм» сыдигъуи къы­фэпсынкI. Мы зэIукIэгъури ащ фэдагъ. Я 14-рэ такъикъым пчъа­гъэр къызэIуихыгъ Мурад Гаджимогомедовым. Я 26-м метри 10 фэдизкIэ пэчыжьэу къэлапчъэм дэуагъ ыкIи ащ Iэгуаор дидзагъ Евгений Рагулькиным. Я 40-рэ такъикъым хьакIэхэм пчъагъэр зэрахъокIын амал яIагъ, ау Юрий Максимовыр къэлапчъэм блэу­кIыгъ. Ащ ыуж Евгений Рагулькиным джыри зэ къэлапчъэм Iэгуаор дидзагъ, пчъагъэр 3:0 хъугъэ. ЯтIонэрэ таймыми тифутболистхэр зэгурыIохэу ешIагъэх, Гаджимурад Абдуллаевым пчъагъэм хигъэхъуагъ ыкIи 4:0-у зэ­IукIэгъур аухыгъ.
— ПсынкIэу Iэгоо заулэ къэлапчъэм дэтыдзагъ, ащ на­хьыби тфызэшIокIыщтыгъ. Ау тиешIакIэ тIэкIу къыщыдгъэкIагъ, ар бысымхэм къызфагъэфедагъ, пенальти къа­лэжьыгъ. Мы уахътэм ти­къэ­лапчъэ Iэгуаор къыдадзагъэмэ, зэIукIэгъур зэрэкIощтыр къэшIэгъуае хъу­щтыгъ. Хэукъоныгъэхэр тымышIынхэм тапэкIэ тыпылъыщт. ТекIоныгъэмкIэ зэкIэми сафэгушIо, — къы­Iуагъ «Зэкъошныгъэм» итренер шъхьаIэу Сергей Мирошниченкэм.
Я 9-рэ турым къыдыхэлъытагъэу «Шъачэ-2-р» 4:0-у «Ангу­штым» текIуагъ. Адрэ зэIукIэгъу­хэм анахь щылъэшыгъэх ставропольскэ «Динамэр», «Легионыр», «Ростов-2-р» ыкIи «Севастополь». Апэрэ очко къыхьыгъ Махачкала къэзыгъэлъэгъорэ «Динамэм», ащ ифутболистхэр зэнэкъокъум апэрэ чIыпIэ щызыIыгъ «Кубань Холдингым» илIыкIохэм аIукIа­гъэх, пчъагъэр зэфэдизэу ешIэгъур аухыгъ.
Я 9-рэ турым изэфэхьысыжьхэр: «Динамо-2» — «Кубань Холдинг» — 2:2, «Победа» — «Динамо Ставрополь» — 1:2, «Спартак-Налщык» — «Легион» — 0:1, «Нарт» — «Ростов-2» — 1:2, «Зэкъошныгъ» — «Рубин Ялта» — 4:0, «Севастополь» — «Астрахань» — 1:0, «Шъачэ-2» — «Ангушт» — 4:0.
ТекIоныгъэу къыдихыгъэм ишIуагъэкIэ «Зэкъошныгъэр» я 8-рэ чIыпIэм уцугъэ. Пэрытны­гъэр «Кубань Холдингым» ыIыгъ. Къы­кIэлъыкIощт турым, жъоныгъуа­кIэм и 17-м, тикомандэ Ростов- на-Дону щешIэщт.
Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:

1. «Кубань Холдинг» — 19.
2. «Шъачэ-2» — 18.
3. «Динамо Ставрополь» — 17.
4. «Ростов-2» — 17.
5. «Севастополь» — 16.
6. «Победа» — 16.
7. «Легион» — 15.
8. «Зэкъошныгъ» — 11.
9. «Рубин Ялта» — 11.
10. «Нарт» — 10.
11. «Спартак-Налщык» — 8.
12. «Астрахань» — 7.
13. «Ангушт» — 5.
14. «Динамо-2» — 1.