КаратэмкIэ Урысые зэнэкъокъухэр къалэу Санкт-Петербург щы­кIуагъэх. «Кубок Петра Великого» зыфиIорэм икъыдэхын къэралыгъом ишъолъыр 45-мэ къарыкIыгъэ спортсмен 1400-рэ фэдиз хэлэжьагъ.

Адыгеир Владимир Васильченкэм ыгъэсэрэ нэбгыриблымэ къагъэлъэгъуагъ.
Республикэм илIыкIохэм дышъэ медали 5-рэ тыжьыни 2-рэ къахьыгъ. ТекIоныгъэр къафа­гъэшъошагъ Пако Самир, Руслан Долматовым, Христофоровхэу Захар, Назар, Егор. Джащ фэ-
дэу ятIонэрэ чIыпIэр къыдахыгъ Пако Астемиррэ Лев Кубабшевымрэ.
Турнирым изэфэхьысыжьхэм адиштэу тикIалэхэм спорт разрядыкIэхэр къафагъэшъошэщтых. Зэнэкъокъухэм зэрахэлэжьагъэ­хэм имызакъоу республикэм икIы­гъэхэм Санкт-Петербург ичIы­пIэ дахэхэр къаплъыхьагъэх.
Тиспортсменхэм ыкIи ахэм ятренер тафэгушIо, тапэкIи мыщ фэдэ гъэхъэгъэшIухэр ашIынхэу, Адыгеим ыцIэ дахэкIэ ра­рагъэIонэу афэтэIо.