Физкультурэ-спорт Iофтхьабзэу «Iоф­шIэным ыкIи зы­къэухъумэжьыным сафэхьазыр» зыфи­Iорэм итхьамафэ Мыекъуапэ щэкIо.

Адыгеим икъэлэ шъхьаIэ дэсхэу зипсауныгъэ зыгъэпытэ, спорт ухьазырыныгъэу аIэкIэлъыр зыушэты зышIоигъохэр стадионым щызэрэугъоих. Анахь чанхэм бгъэхалъхьэу «IофшIэным ыкIи зыкъэухъумэжьыным сафэхьазыр» зыфиIорэр афагъэшъуашэ. 2025-рэ илъэсыр къызихьагъэм щегъэжьагъэу мыр апэрэу рагъэкIокIы. Джырэ уахътэм ехъулIэу нэбгыри 100 фэдизмэ заушэтыгъ.
Iофтхьабзэм нахьыбэу хэла­жьэ­хэрэр апшъэрэ классхэм арыс кIэ­лэ­еджакIохэр ары. Мыхэм ащыщ-
хэу бгъэхалъхьэр къэзылэжьыхэрэм гу­рыт сэнэхьат зыщарагъэгъотырэ ыкIи апшъэрэ еджапIэхэм ачIахьэхэ зыхъукIэ балл тедзэхэр яIэщтых.
Iофтхьабзэм икIэщакIор Мые­къуапэ физическэ культурэмкIэ ыкIи спортымкIэ и Комитет. Шапхъэхэр зыты зышIоигъохэр мафэ къэс пчэдыжьым ыкIи пчыхьэм республикэ стадионэу «Зэкъошныгъэм» къекIолIэнхэ алъэкIыщт. Мы къэб­лэгъэрэ блыпэм зэфэхьысыжьхэр ашIыщтых.