Теннис цIыкIумкIэ Адыгэ Республикэм изэIухыгъэ зэнэкъокъу Мыекъуапэ щы­кIуагъ.

Iофтхьабзэр программэу «Урысыем инеущырэ маф» зыфиIорэм къыдыхэлъытэгъагъ. Ащ кIэщакIо фэхъугъэх АР-м теннис цIыкIумкIэ и Федерациерэ Мыекъуапэ физическэ культурэмкIэ ыкIи спортымкIэ и Комитетрэ.
Къэралыгъом ишъолъыри 10-мэ къарыкIыгъэ спортсмен 257-мэ заушэтыгъ. Зыныбжь илъэс 12-м, 14-м ыкIи 18-м емыхъугъэхэр зэнэкъокъугъэх.

Адыгеир турнирым къыщы­зыгъэлъэгъуагъэхэр республикэм икъэлэ шъхьаIэ, Адыгэкъалэ, Мые­къопэ, Красногвардейскэ ыкIи Тэхъутэмыкъое районхэм арыт спорт еджапIэхэм ялIыкIохэр ары. АнахьыкIэхэм якуп хэтыгъэ Ирина Славновам я 7-рэ чIыпIэр къыдихыгъ, Артем Вариводиныр (нахьыжъхэм якуп) я 5-рэ хъугъэ. Джащ фэдэу Мыекъопэ районым испорт еджапIэу N 3-м зыщызыгъэсэрэ Дмитрий Работяга джэрз медаль къыфагъэшъошагъ.
2025-рэ илъэсым ыкIэм нэс джыри мыщ фэдэ зэнэкъокъуи 5 республикэм щызэхащэщт, анахь благъэр мэкъуогъум ыкIэм.