Теннис цIыкIумкIэ зэIу­хыгъэ республикэ зэнэкъо­къоу Мыекъуапэ щыкIо­рэм къэралыгъом ишъо­лъыри 10-мэ ялIыкIохэм зыщаушэты. Iоф­тхьа­бзэр программэу «Урысыем инеущрэ маф» зыфиIо­рэм къыдыхэ­лъытагъ.

Зыныбжь илъэс 12-м емыхъугъэхэм якуп текIоныгъэр къыщыдахыгъ Ставрополь краим испорт­сменхэу Алия Канаматовамрэ Тигран Джумаянрэ. Зыныбжь илъэс 14-м шIомыкIыгъэхэр мэфитIо зэнэкъокъугъэх. Апэрэ чIыпIэр къафагъэшъошагъ Ростов хэкум щыщ Милана Рябоконьрэ Краснодар краир къэзыгъэлъэ­гъогъэ Даниил Казарцевымрэ. Мыекъуапэ илIыкIоу Артем Вариводиныр я 5-рэ хъугъэ.
Адыгеир зэнэкъокъум нэбгырэ 50 фэдизмэ къыщагъэлъагъо. Ахэр Мыекъуапэ, Адыгэ­къалэ, Красногвардейскэ, Мые­къопэ ыкIи Тэхъутэмыкъое районхэм яспортсменых.
Зыныбжь илъэс 18-м нэмы­сыгъэхэм якуп нахь щылъэшхэр шIэхэу къэнэфэщт.