ГандболымкIэ Урысыем ипервенствэ къыдыхэ­лъытагъэу «АГУ-Адыифым» иныбжьыкIэ ­командэ зичэзыу ешIэ­гъуитIу иIагъ. Краснодар къэзыгъэлъэгъорэ «Кубань-2-м» ар IукIагъ.

Апэрэ зэIукIэгъум краснодарскэ гандболисткэхэр нахь щы­лъэшыгъэх, пчъагъэр 29:20. Тикомандэ икъэлэпчъэIутэу Тамила Харченкэр цыхьэшIэгъоу ешIагъ, Iэгоо 25-у къадзыгъэм щыщэу 10-р къызэкIидзэжьыгъ. Джащ фэ­дэу Елизавета Косаревам ти­гъэгушIуагъ, ащ тфэгъогогъо къэ­лапчъэм Iэгуаор дидзагъ.
ЯтIонэрэ зэIукIэгъуми «Кубань-2-м» 24:14-у текIоныгъэр къыдихыгъ. Тикомандэ джыри ешIэгъуи 8 къыфэнагъ. Анахь благъэр мэлылъфэгъум и 30-м Волгоград щыриIэщт, мыщ ичIыпIэ командэ дешIэщт.
Командэхэр зыдэщыт чIыпIэхэр ыкIи очко ­пчъагъэу рагъэкъугъэр:

1. «ЦСКА-2» — 75.
2. «Динамо-Синара-2» — 67.
3. «Звезда-2» — 62.
4. «СК КК-Черноморочка-2» — 50.
5. «Кубань-2» — 45.
6. «УОР-Динамо» — 45.
7. «Ростов-Дон-3-УОР» — 44.
8. «Лада-СШОР» — 37.
9. «Астраханочка-СШОР» — 32.
10. «СШОР N 5-УдГУ-2» — 26.
11. «Луч-3» — 12.
12. «АГУ-Адыиф-2» — 12.
13. «УОР N 2» — 9.