ВолейболымкIэ Мыекъуапэ ичемпионат хэлэжьэрэ бзылъфыгъэ командэхэм неущ ешIэгъу шъхьаIэхэр яIэщтых.

Я 3-рэ чIыпIэм икъыдэхын фэбэнэщтых «Адыгея-01» ыкIи «СШ N 1» (2010) зыфиIорэ командэхэр. ЗэIукIэгъур Адыгэ къэ­ралыгъо университетым сыхьатыр 2-м такъикъ 15-кIэ ежьагъэу аублэщт.
Ащ ыуж Мыекъуапэ ичемпион хъущт командэр къызщынэфэщт ешIэгъум щызэIукIэщтых «СШ N 1» (2007) ыкIи «Виктория-АГУ». Ар сыхьатыр 3-м ыныкъом аублэщт.
ЗэIукIэгъухэм ауж текIоныгъэр ыкIи хагъэунэфыкIырэ чIыпIэхэр къыдэзыхыгъэхэм афэгушIощтых, агъэшIощтых.
Мы мэфэ дэдэм сыхьатыр 5-м такъикъ 15-кIэ ежьагъэу хъулъфыгъэ командэхэу финалныкъом ихьагъэхэм яешIэгъухэр аублэщтых. Апэ «ПК МГТУ» ыкIи «Шытхьал», нэужым «Приставы» ыкIи «Авангард» (сыхьатыр 6-м ыныкъом) зэдешIэщтых.