Лъэпкъ проектыкIэу «ЩыIэныгъэм пае инфраструктурэр» зыфиIорэм къыдыхэлъытагъэу гъогу Iахь 25-рэ, ­километрэ 70-рэ, шапхъэхэм ади­штэу Адыгеим щагъэцэкIэжьыщт.

Мы IофшIэнхэм рес­публикэм имуниципальнэ шъолъырхэр зэкIэ къа­хиубытэщтых. АР-м гъогухэмкIэ и ГъэIорышIапIэу «Адыгеяавтодор» зыфиIорэм къызэриты­рэмкIэ, Тэхъутэмыкъое районым автомобиль ­гъогу IахьиплI, километри 5,5-рэ якIыхьагъэу, федеральнэ шапхъэхэм адиштэхэу агъэкIэжьыщтых. Ахэр: «Суповский — Отрадный», Пэнэхэс ыкIи Инэм ядэ­хьэгъухэр. Зэзэгъыныгъэу зэдаштагъэхэмкIэ, Тэхъутэмыкъое рай­оным игъогухэм ягъэцэ­кIэжьын сомэ миллиони 100 те­фэщт.
Джащ фэдэу хъызмэтшIапIэу «Адыгеяавтодорым» ыгъэнэфэгъэ Iоф­шIэнхэм ащыщ ЧIыбий каналым узэрэзэпыры­кIыщт лъэмыджэу «Яблоновскэ дамбэр — Шапсыгъэ псыубытыпIэр» зыфиIорэ гъогу Iахьэу метрэ 50,21-рэ зикIыхьагъэм игъэцэкIэжьын.
Лъэпкъ проектым игъэ­цэкIэн ишIуагъэкIэ гъо­гухэр зэтырагъэпсыхьащтых, гъогурыкIоныр щы­нэгъончъэным ар фэIорышIэщт.