Тэхъутэмыкъое районым ичIыпIэ хэдзэкIо комиссие решающэ голосым ифитыныгъэ зиIэу хэтым ипшъэрылъхэр Дыды Сусанэ Заурбый ыпхъум техыжьыгъэнхэм ехьылIагъ

Тэхъутэмыкъое районым ичIыпIэ хэдзэкIо комиссие решающэ голосым ифитыныгъэ зиIэу хэтым ипшъэрылъхэр техыжьыгъэнхэу Дыды Сусанэ Заурбый ыпхъур къызэрэкIэлъэIугъэ тхылъыр IэубытыпIэ къызыфишIызэ, Адыгэ Рес­публикэм и Законэу 2002-рэ илъэсым шышъхьэIум и 12-м аштагъэу N 88-р зытетэу «Адыгэ Республикэм икъалэ, ирайон ичIыпIэ хэдзэкIо комиссие ехьы­лIагъ» зыфиIорэм ия 16-рэ статья ия 7-рэ Iахь иа 1-рэ пункт диштэу Адыгэ Республикэм хэдзынхэмкIэ и Гупчэ комиссие унашъо ышIыгъ:

1. Тэхъутэмыкъое районым ичIыпIэ хэдзэкIо комиссие решающэ голосым ифитыныгъэ зиIэу хэтым ипшъэрылъхэр Дыды Сусанэ Заурбый ыпхъум техыжьыгъэнхэу.
2. Тэхъутэмыкъое районым ичIыпIэ хэдзэкIо комиссие решающэ голосым ифитыныгъэ зиIэу хэтыгъэм ычIыпIэ хагъэхьащт кандидатурэмкIэ предложениехэр зэраштэрэмкIэ макъэ къэгъэIугъэнэу.
3. КандидатурэмкIэ предложениехэр мэфэ 20-м къыкIоцI аштэщтых.
4. Тэхъутэмыкъое районым ичIыпэ хэдзэкIо комиссие мы унашъор IэкIэгъэхьэгъэнэу.
5. Мы унашъомрэ Тэхъутэмыкъое районым ичIыпIэ хэдзэкIо комиссие хагъэхьащтым икандидатурэкIэ предложениехэр зэраугъоихэрэм фэгъэхьыгъэ къэбарэу Адыгэ Республикэм хэдзынхэмкIэ и Гупчэ комиссие къытыгъэмрэ республикэ гъэзетхэу «Советскэ Адыгеимрэ» «Адыгэ макъэмрэ» къащыхэутыгъэнхэу.

Адыгэ Республикэм хэдзынхэмкIэ и Гупчэ комиссие и Тхьаматэу
Н. А. СЭМЭГУ
Адыгэ Республикэм хэдзынхэмкIэ и Гупчэ комиссие исекретарэу
Ф. З. ХЬАЦIАЦI
къ. Мыекъуапэ,
щылэ мазэм и 17, 2025-рэ илъэс
53/201-8