АР-м культурэмкIэ изаслуженнэ IофышIэу Владимир Хурс ыныбжь илъэс 60 зэрэхъурэм фэгъэхьыгъэ концертэу «Пусть Вас любят друзья и Бог» зыфиIорэр «Гигантым» щыкIуагъ.

Владимир Хурс хьафизэхэм я Урысые обществэ 1995-рэ илъэсым къыщегъэжьагъэу хэт, тамыгъэу «За заслуги перед Всероссийским обществом слепых» зыфиIорэм ишъошищ
иIэх, сэнаущыгъэ зыхэлъ му­зыкант, усакIо, патриотическэ, шIулъэгъу, зэкъошныгъэ орэд-
хэр етхых, къеIох. ОрэдыIо студиеу «Сувенир» зыфиIорэм илъэси 10-м ехъугъэу ипащ, зэримылъэгъурэмкIэ сэкъатныгъэ иI.
Хьафизэхэм я Адыгэ рес­публикэ организацие ыкIи яхэу­шъхьафыкIыгъэ тхылъеджапIэ ащыкIорэ музыкальнэ Iофтхьабзэхэм Владимир язэхэщакIу. Шъолъыр зэфэшъхьафхэм ащыкIорэ концертхэр, фестивальхэр, зэнэкъокъухэр юбилярым ищы­Iэныгъэ щыщ пычыгъох.
Пчыхьэзэхахьэр фэбагъэ хэ­лъэу рекIокIыгъ, ежь иорэдхэу щыжъынчыгъэхэм анэмыкIэу, Адыгеим инароднэ артисткэу Ирина Кириченкэми орэдхэр къыщиIуагъэх.
Владимир Хурс фэгушIонхэу иIофшIэгъухэр, иныбджэгъухэр къеблэгъагъэх, гущыIэ дэхаби къыфаIуагъ. ТапэкIэ джыри творческэ гъэхъагъэхэр ышIынхэу, орэдыкIэхэр ытхынхэу, псауныгъэ иIэнэу фэлъэIуагъэх.