Адыгэ Республикэм щыпсэухэу
лъытэныгъэ зыфэтшIыхэрэр!
Мы мафэр ары я ХIХ-рэ лIэшIэгъум щыIэгъэ Кавказ заор заухыгъэр.
Адыгэ лъэпкъыр тарихъым имыжъошъхьал дэфэгъагъэ нахь мышIэми, и Хэкужъ, ыбзэ, икультурэ къыгъэнэжьын ылъэ­кIыгъ, Урысыем щыпсэурэ цIыф лъэпкъ зэфэшъхьафхэу зыкIыныгъэ ахэлъэу псэухэрэм язэу хъугъэ.
Непэ адыгэхэм ятарихъ, ащ къыхэфэгъэ нэкIубгъо тхьамыкIагъохэр зыщамыгъэгъупшэхэу, нэмыкI цIыф лъэпкъхэм ялIыкIохэм ягъусэхэу ти Хэгъэгушхо — Урысые Федерацием ифедэ къаухъумэ, ащ игъэпытэн, изэтегъэпсыхьан ыкIи ихэхъо­ныгъэ яIахьышхо хашIыхьэ.
Мы мафэм, тятэжъхэм яшIэжь дгъэлъапIэзэ, блэкIыгъэ хъугъэ-шIагъэхэр зытымыгъэгъупшэхэу ыкIи тихэгъэгушхо зыкI изыIахьэу тызэрэщытыр къыдгурыIозэ, Адыгеим инеущырэ мафэ зыфэдэщтым тегупшысэн, тиреспубликэ щыпсэурэ цIыф лъэпкъ зэфэшъхьафхэм мамырныгъэ-зэгурыIоныгъэ азыфагу илъыным ткIуачIэ етхьылIэн фае.
Сыд фэдэрэ пшъэрылъи тызэкъотмэ зэшIотхын зэрэтлъэ­кIыщтым тицыхьэ телъ.
ТичIыпIэгъу лъапIэхэр, псауныгъэ пытэ, насып, щыIэкIэшIу шъуиIэнэу, Адыгеимрэ Урысыемрэ джыри нахь зэтегъэпсы­хьагъэ хъунхэм фэгъэхьыгъэ Iофэу жъугъэцакIэрэм гъэхъагъэ­хэр щышъушIынхэу шъуфэтэIо!
Адыгэ Республикэм и ЛIышъхьэу,
Урысые политическэ партиеу «Единэ Россием»
и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм
и Тхьаматэу Владимир Нарожнэр