ФутболымкIэ Урысыем ипервенствэ иятIонэрэ лигэ хэт Мыекъопэ «Зэкъошныгъэм» илъэсыкIэм къыдыхэлъытэгъэ ешIэгъухэм зафегъэхьазыры. Адыгеим икомандэ къалэу Великие Луки къэзыгъэлъэгъорэ «Луки-Энергия» зыфиIорэм Крымскэ щыIукIагъ. Псковскэ хэкум илIыкIохэм текIоныгъэр къыдахыгъ, пчъагъэр — 1:0. ПэшIорыгъэшъэу зэрагъэнэфагъэмкIэ, мы купым хэт командэхэм язэнэкъокъухэр гъэтхапэм и 23-м рагъэжьэщтых ыкIи шэкIогъум и 16-м нэс кIощтых. ЗэкIэмкIи ащ командэ 17 хэлажьэ, тур 34-рэ рагъэкIокIыщт.

Купым хэт командэхэр:

«Алания-2» (Владикавказ), «Ангушт» (Назрань), «Астрахань» (Астрахань), «Биолог-Новокубанск» (п. Прогрессыр), «Динамо» (Ставрополь), «Динамо-2» (Махачкала), «Зэкъошныгъ» (Мые­къуапэ), «Кубань Холдинг» (ст. Павловскэр), «Легион» (Махачкала), «Нарт» (Щэрджэскъал), «Победа» (Хасавюрт), «Ростов-2» (Ростов-на-Дону), «Рубин» (Ялта), «Севастополь» (Севастополь), «Спартак» (Налщык), «Строитель» (Каменск-Шахтинскэр), «Форте» (Таганрог).