Олимпийскэ резервым испорт еджапIэу Тэхъутэмыкъое районым щыIэм илIыкIо урым-рим бэнэнымкIэ Урысыем ипервенствэу къалэу Омскэ щыкIуагъэм ятIонэрэ чIыпIэр къыщыдихыгъ. Зыныбжь илъэс 21-м шIомыкIыгъэхэр ащ хэлэжьагъэх. Зэнэкъокъухэм Адыгеир зэрифэшъуашэу къащигъэлъэгъуагъ ыкIи тыжьын медаль къащихьыгъ тиспортсменэу Нэхэе Рэмэзан. Килограмм 77-м нэс къэзыщэчыхэрэм якуп ар щыбэнагъ. Турнирыр окIофэ республикэм илIыкIо зэ ныIэп къызэрэте­кIуагъэхэр. Финалым нахь щылъэшыгъ Ростов хэкур къэзыгъэлъэгъорэ Магомед Ярбиловыр.