Шапсыгъэ псыIыгъыпIэм идамбэ рыкIорэ гъогу Iахьым игъэцэ­кIэжьын аублэщт. Ащ къыхэкIэу гъэтхапэм и 11-м къыщегъэжьагъэу 2025-рэ илъэсым тыгъэгъа­зэм и 25-м нэс метрэ 600 зикIыхьэгъэ автомобиль гъо­гур зэфэшIыгъэщт. Ау ар къэзыухьэрэ лъэныкъуитIу иIэщт. — Рахъухьагъэм къыды­хэлъытагъэхэу псэолъэшI Iоф­шIэнхэр рекIокIыщтых, псыр езыдзыхырэ псэуалъэм игъэкIэжьын ар ия 2-рэ Iахь. Шъыпкъэр пIощтмэ, гъогу Iахьыр бэшIагъэу гъэкIэжьыным фэныкъуагъ. Арышъ, джырэкIэ анахь шъхьаIэр щынэгъончъэу гъэцэкIэжьынхэр рекIокIынхэр ары, — тыщигъэгъозагъ «Адыгея­мелиоводхозым» икъута- мэу Тэхъутэмыкъое районым щы­Iэм ипащэ игуадзэу Владимир Грищенкэм. Дамбэм пхырыкIырэ гъогу Iахьым цIыфхэмкIэ мэхьанэшхо иI. Къуаджэхэу Афыпсыпэ, Пэнэхэс, Псэйтыку ыкIи Хьащтыку ащ зэрепхых. Анцокъо Ирин.