Программэу «ЗэхэонкIэ щынэгъо унэхэм цIыфхэр къачIэщыжьыгъэнхэр» зы­фиIорэмкIэ хэукъоныгъэ ашIыгъэу монополием пэшIуекIорэ Федеральнэ къулыкъум Адыгэ Республи­кэмкIэ и ГъэIорышIапIэ къыхигъэщыгъэп, шъолъыр къулыкъум ащкIэ официальнэу макъэ къы­гъэIугъ.

Лъэпкъ проектэу ­«ПсэупIэмрэ къэлэ щы­IакIэмрэ» зыфиIорэм диштэу муниципальнэ образованиеу «Тэхъутэмыкъое районым» иад­министрацие муници­пальнэ программэу «Зэ­хэонкIэ щынэгъо унэхэм цIыфхэр къачIэщыжьы­гъэнхэр» зыфиIорэр ыгъэ­цакIэзэ, фэтэрым икъэ­щэфынкIэ аукцион зэхищагъ. АщкIэ пэублэ уасэу агъэнэфагъэр сомэ миллиони 4-м тIэкIу ехъу­щтыгъ.

«ЗэдашIыгъэ зэзэгъыныгъэр гъэцэкIагъэ хъугъэ. Хабзэу щыIэхэм адиштэу аукционыр кIуагъэмэ зэригъашIэ шIоигъоу мо­нополием пэшIуекIорэ Феде­ральнэ къулыкъум Адыгэ РеспубликэмкIэ и ГъэIорышIапIэ уплъэкIун зызэхещэм, хэукъоныгъэ гори къыхигъэщыгъэп», — къытыгъ шъолъыр къулыкъум ипресс-къулыкъу.

Шъугу къэтэгъэкIыжьы лъэпкъ проектхэм адиштэу къащэфын фаеу агъэ­нэфагъэр къызэрэз­IэкIа­гъахьэрэм монопо­лием пэшIуекIорэ Федеральнэ къулыкъуми, чIыпIэ къулыкъухэми гъунэ зэрэлъафырэр.