АР-м хэдзынхэмкIэ и Гупчэ комиссие непэ я XXVII-рэ зэхэсыгъо иIагъ. Ащ Iофыгъуи 4-мэ щатегущыIагъэх, унэшъо гъэнэфа­гъэхэр ашIыгъэх. Iофтхьабзэр зэрищагъ ащ и Тхьаматэу Сэмэгу Нурбый.

«АР-м и Къэралыгъо Совет — Хасэм хэт политическэ партиехэм яIофшIэн къэгъэлъэгъогъэнымкIэ мазэм эфир уахътэу агъэфедагъэм изэфэхьысыжьхэр гъэунэфыгъэнхэм фэгъэхьыгъэ IофшIэкIо куп» зыфиIорэ унашъоу 2010-рэ илъэсым шэ­кIогъум и 2-м агъэнэфэгъагъэм зэхъокIыныгъэу фэхъущтхэм атегущыIагъэх. Нэужым Урысые Федерацием и Президент ихэдзын фэгъэхьыгъэу АР-м хэ­дзынхэмкIэ и Гупчэ комиссие исекретарэу ХьэцIэцIэ Фатимэ къэгущыIагъ. Бюллетеньхэм, ахэм атетыщт хэушъхьафыкIыгъэ маркэхэм, республикэм икъалэхэм ыкIи ирайонхэм ахэр ятыгъэнхэм ягугъу ащ къы-шIыгъ.

Джащ фэдэу республикэ бюджетым, АР-м хэдзынхэмкIэ и Гупчэ комиссие нэмыкI хэдзэкIо комиссиехэм афа­тIупщырэ мылъкур зэрыхьащт счетхэм якъызэIухын тегущы­Iагъэх.

Iофтхьабзэм икIэухым хэ­дзынхэм ялъэхъан аIэ зэкIэ­дзагъэу Iоф зэрэзэдашIагъэм ыкIи япшъэрылъхэр щытхъу хэ­лъэу зэрагъэцэкIагъэхэм афэшI Гупчэ комиссием и Тхьаматэу Сэмэгу Нурбый къэзэрэугъоигъэхэм «тхьашъуегъэпсэу» ариIуагъ. УФ-м хэдзынхэмкIэ и Гупчэ комиссие ищытхъу тхылъхэр, тамыгъэхэр аритыжьыгъэх.

ДЕЛЭКЪО Анет. Сурэтыр авторым ий.