Адыгэ Республикэм икIэлэеджакIохэм ащыщхэр фестивалэу «Беспилотные решения» зыфиIорэм хэлэжьагъэх.

Нэбгырэ 5000-мэ къахахыгъэ ин­женер ныбжьыкIэхэу фестивалым ифинал ихьагъэхэр шэкIогъум и 1-м къыщегъэжьагъэу и 4-м нэс Къалмыкъ Республикэм щызэнэкъокъугъэх. Къыблэ федеральнэ шъо­лъы-рым ирегиони 10-мэ, ЛНР-м ыкIи ДНР-м якIэлэеджакIохэу сэнаущыгъэ зыхэлъхэр ары ащ щызэрэугъои­гъэхэр.

Адыгэ Республикэм икомандэ хэ­тыгъэх Мыекъопэ гимназиеу N 22-м», «Лицееу N 5-м», «Лицееу N 35-м» ыкIи гурыт еджапIэу N 7-м ащеджэрэ ныбжьыкIэхэр.

Фестивалым изэфэхьысыжьхэм къызэрагъэлъэгъуагъэмкIэ, лицееу N 35-м икIэлэеджакIоу Тимур Исаевым хэушъхьафыкIыгъэ зэнэкъо­къум текIоныгъэ къыщыдихыгъ, ар апшъэрэ еджапIэм чIэхьан хъумэ, пчъагъэу ушэтынхэм къащилэжьыхэрэм балли 5 къыфыхагъэхъожьыщт.

Мы фестивалым программированием ыкIи пилот зэрымыс транспортым ылъэныкъокIэ кIэлэеджакIохэм ясэнаущыгъэ къыщагъэлъэгъон алъэ­кIыгъ. Фестивалым къыдыхэлъытэгъэ Iофыгъохэм ащыщых компьютерым епхыгъэ IофшIэнхэм ягъэцэкIэн, нейроннэ зэпхыныгъэхэр ыкIи машиннэ егъэджэнымрэ искусственнэ шIэныгъэмрэ зэхэфыгъэнхэр. А лъэ­ныкъохэмкIэ хэхъоныгъэхэр ныбжьыкIэхэм ашIых.

КIэлэцIыкIухэмрэ ныбжьыкIэхэмрэ я Урысые общественнэ-къэралыгъо движениеу «Движение первых» зыфиIорэр яIэпыIэгъоу мы фестивалыр рагъэкIокIыгъ.