Апэрэ классым кIохэрэм шIухьафтынхэр аратыщтых
Республикэм и ЛIышъхьэу КъумпIыл Мурат кIэщакIо зыфэхъугъэ Iофтхьабзэу «Апэрэ классым кIощтым пае шIухьафтыныр» зыфиIорэр, хабзэ зэрэхъугъэу, илъэсыкIэ еджэгъум ехъулIэу зэхащэ. Iофтхьабзэм тегъэпсыхьагъэу апэрэу еджапIэм кIощт кIэлэцIыкIу пстэуми къызфагъэ-федэн алъэкIыщт Iэмэ-псымэхэр аIэкIагъэхьащтых.
[caption id="attachment_138015" align="aligncenter" width="800"] Сурэтыр: М. Гордышов.[/caption]
2023-рэ илъэсым ащ фэдэ шIухьафтын 7000 фэдиз агъэхьазырыгъ. Нэбгырэ пэпчъ шIухьафтын IэкIэхьащт. ШIэныгъэм и Мафэ апэрэ классым кIощтхэм еджэным фытегъэпсыхьэгъэ Iалъмэкъэу аратыщтым тетрадьхэр, альбомхэр, къэлэм ыкIи ручкэ шъо зэфэшъхьафхэр зиIэхэр, пластилиныр адэлъыщтых, джащ фэдэу нэфынэр къэзытырэ ныбалъэхэр ягъусэщтых. КIэлэцIыкIухэм яшIэныгъэрэ ятворчествэрэ нахь зиушъомбгъуным фытегъэпсыхьэгъэ пкъыгъо 20-м ехъу аIэкIэхьащт.
[caption id="attachment_138016" align="aligncenter" width="800"]
Сурэтыр: М. Гордышов.[/caption]
Ащ нэмыкIэу апэрэ классым кIощт кIэлэцIыкIу пэпчъ дневник ратыщт. Урысыем, хэгъэгум икъэралыгъо тамыгъэхэм афэ- гъэхьыгъэ къэбархэр ащ дагъотэщтых. Зэреджэщтхэ тхылъэу «Си
[caption id="attachment_138017" align="aligncenter" width="800"]
Сурэтыр: М. Гордышов.[/caption]
Адыгей» зыфиIорэм Адыгэ Республикэм фэгъэхьыгъэ къэбархэр кIэлэцIыкIухэм къыдахынхэ алъэкIыщт, лъэпкъ нэшанэ иIэу ар гъэпсыгъэ. Джащ фэдэу лъэпкъ шъуашэм, орнаментым ыкIи республикэм икъэралыгъо тамыгъэхэм ясурэтхэр ащ дэтых.
Адыгеим гъэсэныгъэмрэ шIэныгъэмрэкIэ и Министерствэ муниципальнэ образованиехэм а шIухьафтынхэр атегощэгъэнхэм ыуж ит.
[caption id="attachment_138018" align="aligncenter" width="800"]
Сурэтыр: М. Гордышов.[/caption]
Республикэм и ЛIышъхьэ къызэрэхигъэщыгъэмкIэ, мы Iофтхьабзэм кIэлэцIыкIухэм гушIуагъо къызэрафихьыщтым имызакъоу илъэсыкIэ еджэгъум сабыйхэр фэгъэхьазырыгъэнхэмкIэ унагъохэми IэпыIэгъу аритыщт.
«Апэрэ классым кIорэ пстэуми сафэлъаIо дэгъоу еджэнхэу ыкIи тишIухьафтынхэр агу рихьынхэу сэгугъэ. ШIэныгъэм идунай ашIогъэшIэгъонэу ахэм нэIуасэ зызэрэфашIыщтым сицыхьэ телъ», — къыIуагъ КъумпIыл Мурат.
АР-м и ЛIышъхьэ ипресс-къулыкъу