Мыекъопэ къэлэ администрацием и ГъэIорышIапIэу «Благоустрой­ство» зыфиIорэм общественнэ транспортым пае шэпхъакIэхэм ади­штэрэ къэуцупIэхэр ыгъэуцунэу ыуж ихьагъ.

[caption id="attachment_137957" align="aligncenter" width="800"] Сурэтыр: ЗэIухыгъэ къэбарлъыгъэIэс амалхэр.[/caption]

ЧIыпIэ 50-мэ ахэр аща­гъэпсыщтых. Хэбзэгъэуцу­гъэм къызэрэдэлъытагъэмкIэ, зэнэкъокъу шIыкIэм те­тэу къащэфынхэ фаети, Гъэ­IорышIапIэм ар блэкIыгъэ бэдзэогъу мазэм зэхищэ­гъагъ. Зэзэгъыныгъэм апэ уасэу фашIыгъагъэр сомэ миллион 50. Адыгеим ыкIи къалэу

Ростов-на-Дону якомпаниехэр ащ фэбэнагъэх. Республикэ компаниеу зэзэгъыныгъэм ыуасэ процент 11-кIэ нахь макIэ зышIыгъэм текIоныгъэр къыдихыгъ.

Ростов-на-Дону ихъыз­мэтшIапIэ ащ дыригъэшта­гъэп, «контрактнэ системэм» фэгъэхьыгъэ хэбзэгъэуцу-гъэр укъуагъэ хъугъэу ылъы­тагъ ыкIи УФ-м монополием пэшIуекIорэ икъулыкъу и ГъэIорышIапIэу АР-м щы­Iэм зэхифынэу зыкъыфи­гъэзагъ.

Тхылъхэм захаплъэхэм ахэм ягъэпсынкIэ заказыр къэзытыгъэм хэукъоныгъэхэр ышIыгъэхэу къыхагъэщыгъ, ау ахэм текIоныгъэр къыдэзыхыщтымкIэ яягъэ къэкIо­нэу щытэп. Ащ къы­хэкIыкIэ «Благоустройствэм­рэ» компаниемрэ зэ­зэгъыныгъэу зэ­дашIыгъэр игъоу ыкIи гъэ­цэкIэгъэн фаеу алъы­тагъ.

КъэуцупIэхэр мы илъэсым ишэкIогъу мазэ ыкIэм нэс агъэуцущтых. Ахэм Wi-Fi, USB зыфэпIощтхэр, видеокамерэхэр ахэтыщтых, общественнэ транспортыр зэ­рэзекIорэр зытетхагъэр «ин­терактивнэ» зыфаIорэм фэдэу гъэпсыгъэщт. Ары «къэуцупIэ IушкIэ» зыкIя­джагъэхэр.