Урысыем и Следственнэ комитет иследственнэ гъэIорышIапIэу Адыгэ Республикэм щыIэм и Тэхъутэмыкъое след­ственнэ отдел Теуцожь рай­оным икъоджэ псэупIэхэм ащыщ горэм ипащэщтыгъэм фэгъэхьыгъэ уголовнэ Iофым изэхэфын ыухыгъ.

Ар зыфагъэмысэрэр Урысые Федерацием и Уголовнэ Кодекс ия 286-рэ статья иIахьэу 2-м къыдилъытэрэ бзэджэшIагъэр зэрэзэрихьагъэм пай.

Следствием зэригъэунэфы­гъэмкIэ, 2016-рэ илъэсым тыгъэгъазэм псэупIэм ипащэ хэ­бзэнчъэу, аукцион зэхимыщэу, чIыгу Iахьи 4 бэджэндэу аритыгъ. Ащ нэужым фитыныгъэ имыIэу унашъо къыдигъэкIыгъ а чIыгу Iахьхэр зыфытегъэ­псыхьагъэу щытхэм зэхъокIыныгъэхэр афэшIыгъэнхэм епхыгъэу. НэмыкIэу къэпIон хъумэ, бэджэндыпкIэр къыригъэIыхыгъ. Агъэмысэрэм хэбзэнчъэу зэрихьэгъэ Iофтхьабзэхэм апкъ къикIэу муниципальнэ образованием ибюджет ихьан фэегъэ сомэ миллионрэ мин 227-р IэкIэхьагъэп, а ахъщэр чIыгу Iахьым телъытэгъэ бэджэндыпкIэу бюджетым ихьан ылъэкIыщтыгъ.

Уголовнэ Iофэу Теуцожь районым ипрокуратурэ ыухэ­сыгъэ кIэух зэфэхьысыжьыр зигъусэр хьыкумым IэкIагъэ­хьагъ хэплъэным пае.

Урысые Федерацием иследственнэ комитет иследственнэ гъэIорышIапIэу Адыгэ Республикэм щыIэр