МашIом пэуцугъэх
Къалэу Мыекъуапэ имикрорайонэу Черемушкэм машIор щагъэкIосэжьыгъ.
[caption id="attachment_137925" align="aligncenter" width="800"] Сурэтыр: Къэлэ администрациер.[/caption]
Юннатхэм яурам, ипподромым дэжь губгъом ит уц гъугъэхэм къащыкIэнэгъагъ. Квадратнэ метрэ 600 фэдиз машIом зэлъиштэгъагъ. Ащ ыужым гаражхэми машIор къанэсыгъ.
[caption id="attachment_137926" align="aligncenter" width="800"]
Сурэтыр: А. Iэшъын.[/caption]
МашIом игъэкIосэн нэбгырэ 34-рэ ыкIи техники 8-рэ хэлэжьагъ. Къалэм ипащэу Геннадий Митрофановри а чIыпIэм щыIагъ, Iофхэм язытет ынаIэ тыригъэтыгъ.
[caption id="attachment_137927" align="aligncenter" width="800"]
Сурэтыр: А. Iэшъын.[/caption]
Мыекъуапэ икъулыкъухэу мыщ фэдэ гумэкIыгъохэм ядэгъэзыжьын зипшъэрылъхэм цIыфхэм лъэIукIэ закъыфагъэзэгъагъ: Юннатхэм яурам гаражхэу атетхэм транспортыр къачIащынэу, унэу зэрысхэм яшъхьаныгъупчъэхэр фашIынхэу, машIор агъэкIосэжьыфэ жьым зэрэхэтхэрэ уахътэр нахь макIэ ашIынэу.
[caption id="attachment_137928" align="aligncenter" width="800"]
Сурэтыр: Къэлэ администрациер.[/caption]
Къулыкъу гъэнэфагъэхэм зэрахьэгъэ Iофтхьабзэхэм яшIуагъэкIэ машIор агъэкIосэн алъэкIыгъ: пстэумкIи техникэ 23-рэ ыкIи къулыкъу гъэнэфагъэхэм ялIыкIо нэбгырэ 56-рэ ащ игъэкIосэн хэлэжьагъ.
МашIохэм ягъэкIосэнрэ цIыфхэм якъэгъэнэжьынрэ афэгъэзэгъэ подразделение пстэуми машIом игъэкIосэн акIуачIэ рахьылIэгъагъ. Джащ фэдэу штаб гъэнэфагъи а чIыпIэм щызэхащэгъагъ. Пчыхьэм сыхьатыр 5-рэ такъикъ 20-м машIор агъэкIосагъ.
МашIом ыпкъ къикIэу Мыекъуапэ исоциальнэ псэуалъэхэм ыкIи цIыфхэр зыщыпсэухэрэ унэхэм ащыщхэм электроэнергиер аIэкIахьэгорэп. ГумэкIыгъом идэгъэзыжьын къулыкъу гъэнэфагъэхэр дэлажьэх.