Непэ — Урысые Федерацием и Къэралыгъо быракъ и Маф
Адыгэ Республикэм щыпсэухэу лъытэныгъэ зыфэтшIыхэрэр! ТичIыпIэгъу лъапIэхэр!
[caption id="attachment_137827" align="aligncenter" width="800"] Сурэтыр: А. Гусев.[/caption]
Гербымрэ гимнымрэ ягъусэу Урысые къэралыгъом итамыгъэ шъхьаIэхэм быракъыр зыкIэ ащыщ, тихэгъэгу ишъхьафитыныгъэ, итарихъ ыкIи икультурэ, неущырэ мафэм ицыхьэ зытелъыжьэу зэрэфакIорэм, цIыф лъэпкъыбэмэ зыкIыныгъэрэ зэдегъэштэныгъэрэ азыфагу илъэу Урысыем зэрэщыпсэухэрэм ар яшыхьат.
Къэралыгъо быракъым чIэтхэу Урысыем щыпсэухэрэм IофшIэнымкIэ, наукэмкIэ, культурэмкIэ ыкIи спортымкIэ ягъэхъагъэхэр къагъэлъагъох, текIоныгъакIэхэр ашIых, ти Хэгъэгушхо ыкIуачIэ джыри нахь хэхъоным фэлажьэх.
Хэгъэгоу тызэрысым къырыкIощтымкIэ зэкIэми пшъэдэкIыжь зэрэтхьырэр непэ анахьэу зэхэтэшIэ. Урысыем, тикъэралыгъо, нэбгырэ мин пчъагъэмэ ящынэгъончъагъэ зэлъытыгъэ хъугъэ-шIагъэхэу мэхьанэшхо зиIэхэр щыIэныгъэм къыхэхъухьэх.
ЛIэужыбэм язэпхыныгъэ игъэпытэн, хэгъэгум уфэшъыпкъэн зэрэфаемкIэ лIэшIэгъу пчъагъэхэм къакIоцI щыIэ хъугъэ хэбзэ шIагъохэм тадэмыхыным мэхьанэшхо яI Урысыемрэ ащ и Къэралыгъо быракърэ ящытхъу джыри нахь лъагэу зиIэтынымкIэ, гъэхъэгъакIэхэр тшIынхэмкIэ.
ТичIыпIэгъу лъапIэхэр, зэкIэми тышъуфэлъаIо псауныгъэ, щыIэкIэшIу ыкIи насып шъуиIэнэу, шъуимурад дахэхэр къыжъудэхъунхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет —Хасэм и Тхьаматэу Владимир Нарожнэр