АР-м псэолъэшIынымкIэ, транспортымкIэ, псэупIэ-коммунальнэ ыкIи гъогу хъызмэтымкIэ и Министерствэ къызэритыгъэмкIэ, блэкIыгъэ 2022-рэ илъэсым цIыфхэм ямылъку зэхалъхьэзэ фэтэ­рыбэу зэхэт унэ 20 Адыгеим щагъэуцугъ. ПстэумкIи квадрат метрэ мин 96,1-м ар ехъу, фэтэр 2351-рэ ахэм ахэт.

Мы уахътэми ащ фэдэ псэу­пIэхэм яшIын республикэм щылъагъэкIуатэ. «ПсэупIэр ыкIи къэлэ щыIакIэр» зыфиIорэ лъэпкъ проектым ипхырыщын фытегъэпсыхьэгъэ ­шъолъыр проектэу «ПсэупIэм» къыды­хэлъытагъэу Тэхъутэ­мы­къое районым икъуаджэу ­АдыгеякIэм къат 17-у зэтетхэу унитIу щашIы. ПстэумкIи квадрат метрэ мин 21,6-рэ ахэм арылъ.

Унэхэр «Специализированный застройщик «Дружба» зыфиIорэ псэолъэшI хъызмэтшIапIэм ригъэжьэгъэ псэупIэ комплексэу «МЕГА-Победа» зыфиIорэм хэхьэх.

Джащ фэдэу «ПсэупI» зыфиIорэ шъолъыр проектым къыдыхэлъытагъэу «Красно­дарстройинвест» зыфиIорэ хъыз­мэтшIапIэм поселкэу Яблоновскэм фэтэрыбэу зэхэт унитIу щегъэуцу. Ахэр «Дом на Луговой» зыцIэ псэупIэ комплексэу мы фирмэм ригъэжьагъэм щыщых, квадрат метрэ мин 23,3-рэ хъущтых.

ХЪУТ Нэфсэт. Сурэтхэр: АР-м псэолъэ­шIынымкIэ, транспортымкIэ, псэупIэ-коммунальнэ ыкIи гъогу хъызмэтымкIэ и Ми­нистерств.