Top.Mail.Ru

ЦIыфхэм ялъэIу афагъэцакIэ

Image description

Партиеу «Единэ Россиер» кIэщакIо зыфэхъугъэ программэм игъэ­цэкIэн нахь псынкIэу зэшIохыгъэным пае лъэIу тхылъхэм игъом ахэплъэнхэмкIэ яшIуагъэ къэкIо партием идепутатхэм, «Газпромым» илIыкIохэм, гуфакIохэм.

[caption id="attachment_137814" align="aligncenter" width="800"] Сурэтыр: ЗэIухыгъэ къэбарлъыгъэIэс амалхэр.[/caption]

Ахэр къэлэдэсхэмрэ пэIу­дзыгъэ псэупIэхэм ащыпсэухэ­рэмрэ бэрэ аIокIэх. Мы гъэмафэр къызихьагъэм къыще­гъэжьагъэу ащ фэдэ Iофтхьа­бзэхэр ахэм бэрэ зэшIуахых ыкIи программэм къытырэ амал­хэм афэгъэхьыгъэу цIыф­хэм къафаIуатэ, фэгъэкIотэныгъэу ахэм яIэхэм ащагъэгъуа­зэх, къыIуагъ партиеу «Единэ Россием» и Генеральнэ совет исекретарэу Андрей Турчак.

«Ащ фэдэ IофшIэным ишIуагъэкIэ бэдзэогъумрэ шышъхьэ­Iумрэ программэм ипхырыщын нахь псынкIэу кIуагъэ. Ар лъыгъэкIотэгъэн зэрэфаер нэры­лъэ­гъу къытфэхъугъ. ЛъэIу тхылъ пчъагъэу къатырэм, ахэмкIэ псынкIэу зэзэгъыныгъэ­хэр зэдашIынхэм, гъэстыныпхъэ шхъуантIэр игъом аIэкIэгъэхьэгъэным мэхьанэшхо яI», — къы­хигъэщыгъ ащ.

«Программэр зэрэпсаоу гъэ­цэкIагъэ шIэхэу зэрэмыхъущтыр нафэ: ащ еджапIэхэр, кIэлэ­цIыкIу IыгъыпIэхэр, социальнэ псэолъэ зэфэшъхьафхэр къыхеубытэх», — къыхигъэщыгъ Андрей Турчак.

Шъугу къэтэгъэкIыжьы: партиеу «Единэ Россием» законым фишIыгъэ гъэтэрэзыжьынхэу гъэстыныпхъэ шхъуантIэр ыпкIэ хэмылъэу яхапIэхэм ящэлIэ­гъэным епхыгъэм Урысыем и Президентэу Владимир Путиным 2021-рэ илъэсым ыIапэ кIидзэжьыгъагъ.

«Социальнэ газификациекIэ» заджэхэрэм епхыгъэ лъэIу тхы­лъыр Къэралыгъо фэIо-фашIэхэм япорталкIэ, пшъэры­лъыбэ зэшIозыхырэ Гупчэм икъутамэхэмкIэ, «Газпром меж­регионгазым» иабонент пунктхэмкIэ ыкIи операторхэм ясайт­хэмкIэ аIэкIэжъугъэхьан шъу­лъэкIыщт.

Партиер кIэщакIо фэхъугъ мы IофымкIэ фэгъэкIотэныгъэ зи­Iэхэм IэпыIэгъу зэфэшъхьафэу аратыщтхэм нахь зягъэушъомбгъугъэным. Куп гъэнэфагъэхэм нахь пыутэу оборудованиер аIэкIэгъэхьэгъэным епхыгъэ Iо­­фыгъохэр ащ къахилъхьагъэх ыкIи сомэ мини 100-м нахь мымакIэу газ оборудованиер къыращэфыным пае фэгъэкIо­тэныгъэ зиIэ цIыф купхэм субсидиехэр аIэкIэгъэхьэгъэнхэм тегъэпсыхьэгъэ пшъэрылъхэу Президентым къыгъэуцугъэхэр шъолъыр зэфэшъхьафхэм гъэцэкIагъэ зэращыхъухэрэр «Еди­нэ Россием» еуплъэкIу. НепэкIэ сомэ миллиарди 2,4-рэ фэдиз шъолъырхэм а гухэлъхэм апаIуагъэхьагъ.