Электроэнергием икъэтын фэгъэзэгъэ ком-паниеу «ТНС энерго Кубань» зыфиIорэм 2023-рэ илъэсыр къызихьагъэм къыщыублагъэу Краснодар краимрэ Адыгеимрэ Iофэу ащишIагъэр зэфихьысыжьыгъ.

[caption id="attachment_137811" align="aligncenter" width="800"] Сурэтыр: «ТНС Энерго Кубань».[/caption]

Мы мэзиблым компанием къыратын фаеу организациехэмрэ цIыфхэмрэ ахъщэ чIыфэу ателъыр сомэ миллион 554-кIэ нахьыбэ хъугъэ ыкIи сомэ миллиарди 8,6-м нэсыгъ. Анахьыбэу зэIузгъэкIагъэхэр фэтэрыбэу зэхэт унэхэм ягъэIорышIэкIо компаниехэр, ТСЖ-р ыкIи СНТ-р ары.

ЧIыфэу ателъыгъэр нахь ма­кIэ зышIыгъэхэр хъызмэтшIапIэу къыдэгъэкIыным фэгъэзагъэ­хэмрэ муниципальнэ образованиехэм яадминистрациехэмрэ. ХъызмэтшIапIэхэм сомэ миллион 26-рэ къатыжьыгъ, район ыкIи къэлэ администрациехэм сомэ миллион 15 ячIыфэ ха­гъэкIыгъ.

Компанием электроэнергиемрэ «сетевой организациехэм» фэIо-фашIэу агъэцакIэ­хэ­рэмрэ оптовэ шIыкIэм тетэу бэ­дзэршIыпIэм къыщещэфы. Арышъ, чIыфэу зэIукIэрэм цIыф­хэм электроэнергиер зэраIэ­кIахьэрэм иягъэ ригъэкIын ылъэ­кIыщт.

ЧIыфэхэр къэугъоижьыгъэнхэм фытегъэпсыхьэгъэ IофшIэнхэр зэпыухэрэп. 2023-рэ илъэсыр къызихьагъэм къыщыублагъэу цIыфэу игъом электро­энергием ыпкIэ къэзымыты­гъэ­хэм ар къазэрафыпаупкIыщтым фэгъэхьыгъэ тхылъ мин 460-рэ афагъэхьыгъ. Ащ фэдэ письмэ мини 183-рэ бизнесым щылажьэхэрэми аIэкIагъэхьагъ.

Апэрэ мэзихым чIыфэ зытелъхэм яIофхэм хьыкумыр ахаплъэзэ, сомэ миллиони 120-рэ къэугъоижьыгъэ хъугъэ, джыри мини 10-м ехъу тхылъ ахэм ачIэлъ.

Зэфэхьысыжьхэр зыщашIыгъэхэ зэхэсыгъом электроэнергием ыпкIэ икъэугъоинкIэ пэ­рытныгъэр зыIыгъ подразделениехэр къыщыхагъэщыгъэх. Ахэр Ермэлхьаблэрэ Адыгеимрэ ащыIэ къутамэхэр ары.

Тамара Шамарина. ПАО-у «ТНС Энерго Кубань» зыфиIорэм ипресс-­къулыкъу.