Зэнэкъокъум щытекIуагъэх
«Тызэгъусэу наркотикхэм тапэшIуекIо» зыфиIорэ зэнэкъокъум текIоныгъэр къыщыдэзыхыгъэхэр мы мафэхэм агъэшIуагъэх, къалэжьыгъэхэр аратыжьыгъэх.
[caption id="attachment_137695" align="aligncenter" width="800"] Сурэтыр: М. КIэдэкIой.[/caption]
Адыгэ Республикэм лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет идипломхэр ыкIи ахъщэ шIухьафтынхэр афагъэшъошагъэх мы лъэныкъомкIэ видеоролик анахь дэгъухэр къэзыгъэхьазырыгъэхэм.
ТекIоныгъэр къыдихыгъ Мыекъопэ къэралыгъо технологическэ университетым истудентэу Уджыхъу Глеб, хагъэунэфыкIырэ чIыпIэхэр афагъэшъошагъэх поселкэу Инэм дэт гурыт еджапIэу N 6-м икIэлэегъаджэу Инна Ивановамрэ поселкэу Лъэустэнхьаблэ Iоф щызышIэрэ творческэ студием ипащэу Екатерина Радаевамрэ.
Комитетым итхьаматэ ипшъэрылъкIэ текIоныгъэр, хагъэунэфыкIырэ чIыпIэхэр къыдэзыхыгъэхэм афэгушIуагъ ыкIи дипломхэр аритыжьыгъэх хэутынымрэ къэбар жъугъэм иамалхэмрэкIэ отделым ипащэу Людмила Погасеевам.