Урысыем и МВД Тэхъутэмыкъое районым­кIэ икъутамэ иотделэу кощын Iофхэм апы­лъым урысые паспортхэр къаратынхэу зы­къыфагъэзагъ Херсон хэкум ыкIи Донецкэ Народнэ Республикэм къарыкIыгъэ бзылъ­фыгъитIум.

[caption id="attachment_137692" align="aligncenter" width="800"] Сурэтыр: МВД-м ипресс-къулыкъу.[/caption]

Урысые Федерацием икъэралыгъо граждан къулыкъукIэ я 2-рэ класс зиIэ Алексей Гузенкэм къызэриIуагъэмкIэ, мы лъэхъаным Адыгеим ащ фэдэ лъэIу тхылъхэр псынкIэу щызэшIуахых.

БэмышIэу Урысыем игражданин идокумент шъхьаIэ ятыжьыгъэным фэгъэхьыгъэ Iофтхьабзэу рекIокIыгъэм паспортхэм ягъусэу Урысые Федерацием и Конституцие зыдэт тхылъ зырызи щаратыгъ.

АнаIэ къызэратырагъэтырэм, гуфэбэныгъэ къызэрафыряIэм апае зэрафэразэхэр цIыфхэм къаIуагъ. Къулыкъум иIофышIэхэми къыхагъэщыгъ чIыпIакIэр ахэм мафэ афэхъумэ зэрашIоигъор.

Адыгэ Республикэм хэгъэгу кIоцI IофхэмкIэ и Министерствэ ипресс-къулыкъу