Нэпкъым къепкIэхыгъэ шъэожъыер псым ытхьэлагъ
Урысыем и Следственнэ комитет АдыгеимкIэ иследственнэ ГъэIорышIапIэ Мыекъопэ районымкIэ иотдел кIэлэ Iэтахъоу псым ытхьэлагъэм епхыгъэ Iофым ихэплъэн ыуж ит.
ПэшIорыгъэшъэу зэрагъэунэфыгъэмкIэ, 2023-рэ илъэсым шышъхьэIум и 13-м мафэм илъэс 15 зыныбжь кIэлэ Iэтахъом иныбджэгъухэр игъусэхэу Мыекъопэ районым ит псэупIэу Тульскэм дэжь псыхъоу Шъхьэгуащэ зыщигъэпскIынэу кIогъагъ. Метри 3 — 4 фэдиз зилъэгэгъэ нэпкъым къызепкIэхым, псым къыхэкIыжьыгъэп. Тыгъуасэ псым рихьакIыгъэ хьадэр нэпкъым дэжь къыщагъотыжьыгъ.
Мы тхьамыкIагъор къызыхэкIыгъэр следовательхэм агъэунэфы. Хьыкум-медицинэ уплъэкIунхэр ашIыщтых ыкIи кIалэм икIодыкIэ лъапсэ фэхъугъэр агъэунэфыщт. Урысыем и Следственнэ комитет иследственнэ ГъэIорышIапIэуАдыгэ Республикэм щыIэм къызэритыгъэмкIэ, уплъэкIунхэм якIэуххэм ялъытыгъэу унэшъо гъэнэфагъэ ашIыщт.